چئویرن: ایشیق
ترجمه: ایشیق
ایشیق

herisli
قوربت
هریزلی

یول‌لار نئچه-نئچه، هاچا-هاچادیر
یول نئچه، هاچاسی نئچه بیلمه‌دیم.
بعضأده دایاندیم یول آیریمیندا
هئچ بیرین دوز بیلیب کئچه بیلمه‌دیم.

عؤمور تارلاسیندا بئجردیم آرزی
بیرینی درمه‌یه قالدیم تامارزی
عؤمرومو بیچدی‌سه زامان دریازی
آرزی حاصیلیمی بیچه بیلمه‌دیم.

حیاتدا قوربت‌دیر، اؤلوم ده قوربت
ایچیمده قوربت‌دیر، چؤلوم ده قوربت
وطنیم ده قوربت، ائلیم ده قوربت
اؤزومه بیر وطن سئچه بیلمه‌دیم.

هرگون سینه‌میزی داغلادی هیجران
بولانلیق سئل کیمی چاغلادی هیجران
اومید یول‌لارینی باغلادی هیجران
ووصال بولاغیندان ایچه بیلمه‌دیم.

«هریزلی» بو یئرده قارقینیب باهار
هؤروب یول یولاغى زهرلى بیر قار
کؤچدو قارانقوشلار، کؤچدو دورنالار
من قانادی سینمیش کؤچه بیلمه‌دیم.

۱۳۸۱- هریز

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

قوربت / هریزلی

ایشیق
www.ishiq.net

آذربایجان ادبیات و اینجه‌صنعت سایتی

قوربت / هریزلی

ایشیق
www.ishiq.net

آذربایجان ادبیات و اینجه‌صنعت سایتی

قوربت / هریزلی

ایشیق
www.ishiq.net

آذربایجان ادبیات و اینجه‌صنعت سایتی