یوخوما گیرن قیز…
وحید فروتن

یوخومامی گیرمیسن،
یوخومومو گؤرورسن،
سنی می چوخ سئویرم، یوخوممو بالدان شیرین؟
یوخوما گیرن قیز، یوخومو گؤرن قیز،
یوخو دونیاسی کیمی قیز!
ایلک کز یوخوما بیر یاغیشلا گلدین،
سنی گؤرورکن سانکی،
یاغدین منی اؤزومه.
یاغان یاغیشلا،
یاغان یاغیشدان سونرا،
چوخ ایزلر اونودولار…
سن آنجاق
او یاغیشلا مؤهورلندین روحوما.
یوخوما گلنده،
گؤزومه یاشلار دولار،
و یاستیغیمدا قالار.
دئیینه دئیینه یویارسان.
ائه بوش وئر بونلاری،
یوخوما گیر
یاغسین یاغیش،
یاغسین سنی…
یاغسین نغمه‌لریمیزی!
یوخومامی گیرمیسن،
یوخومومو گؤرورسن؟