اوخوماق زامانی: 2 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

عاشیق اوخو!
غلامرضا مجدفر
(1306-1380)

عاشیق- عاشیق چال سازینی، او سازی‌نین زخمه‌سی

اوره‌ییمین کهنه دردین تازالاییب، گؤینه‌دیر

خراب قالمیش وطنیمین تحریف اولموش تاریخی

خاطیریمده نقش باغلیر، قولاغیمدا دینله‌نیر.

عاشیق اوخو! ایگید سسین خاطیرلاییر کئچمیشی

قاچاق نبی، کوراوغلولار تازادان دوشور یادا

عاشیق اوخو! ساکت اولما! سسین دوشسون داغلارا

قوی سازیندان حالا گلسین داغ‌دا، داش‌دا، دریادا.

گئجه- گوندوز، ایستی- سویوق، یای- قیش دائیم چئوریلر

زامان دؤنر، دؤران کئچر، ائلدن آنجاق دیل قالار

جرس سسی قافله‌ده جومار درین سکوتا

کارواندان دوشرگه‌ده سؤنموش اولان کول قالار

عاشیق اوخو! قوی سیزلاسین بالابانین ناله‌سی

مظلوم خالقین فغانی‌له عجین اولوب قاریشسین

بلکه بو سس سبب اولا اتحادا، تیفاقا

بوتون ائللر بیر بیریله قوجاقلاشیب باریشسین

یئنه سنین سازین واردیر گوج گلیرسن سازینا

بوشالدیرسان، ایچریده دردین- غمین قالماسین

من دردیمی کیمه دئییم؟ منیم چاره‌م کیمده‌دیر؟

دیری گؤزلو دوروب باخیم، دردلی قلبیم پارتلاسین؟

(1): ادبی جمعیتیمیزده آدی چوخ حؤرمتله چکیلن مبارز شاعر “غلامرضا مجدفر” 1306 ینجی ایلده تبریزین دوه‌چی محله سینده دونیایا گؤز آچمیش و 74 ایل یاشامیشدیر. بو اونودولماز شاعریمیز دوققوزونجو صنیفه قده‌ر تحصیل آلمیش و ادبیاتا قویدوغو ایلک ایل‌لرینی “عمر خیام نیشابوری”نین شعرلرینین آذربایجانجا ترجمه‌سی ایله باشلامیشدیر. مجدفرین ادبی اثرلری‌نین بؤیوک بیر قیسمینی ساتیریک اثرلر تشکیل ائدیر. او ادبی فعالیتیندن باشقا مبارز بیر شاعر اولوب؛ خصوصیله ایراندا گئدن نفت ملی‌لشمه سیاسی پروسسینده جدی اشتراک ائتمیش و بونون اوچون ده 1332ینجی ایلده باش وئرن آمریکایی کودتادان سونرا زندان و سورگونلره معروض قالمیشدیر. انقلابدان سونرا اثرلری اولدوز، آزادلیق، یولداش، وارلیق، دده قورقود و … بونلار کیمی غزئته‌لرده و اثرلرینین بیر سیراسینی احتوا ائدن “وجدان سسی” آدلی بیر شعر کتابیندا چاپ اولموشدور.

چوخ حؤرمته مالک آذربایجانین مبارز شاعری غلامرضا مجدفر 1380ینجی ایلین شهریور آییندا تهران شهرینده دونیایا گؤز یومموشدور. اونودولماسین- دئیه، خاطره‌سینی عزیز ساخلاماق اوچون اوستادین بیر شعرینی سیز عزیز اوخوجولارا تقدیم ائتدیک.

اشتراک گذاری در print
چاپ

8 پاسخ

  1. آشنایی با چنین شاعرانی باعث مباهات و خوشحالی میباشد. از زحمات استاد والا مقام دکتر مجد فر برای ارائه اشعار متشکرم.

  2. من اؤز نوبم ده ایشیق سایتینین آچیلماسینا گوره سیز بویوک یازیچیلار دان تشکر ائدیرم. بو سایت منیم اؤچون فایدالی بیر سایتی دیر. و بوننان که منیم آتامین آدین دا بو یازیلار ایچینده یادلاندیرمیسیز سیزدن ممنونام

  3. با تأسف فراوان فارسی می نویسم. خواهش می کنم به هنگام خواندن شما به ترکی بخوانید. 
    از سال 1367 بر اساس تاریخ و از نظر احساسی از “نمی دانم زمان” آقای دکتر مرتضی مجدفر را می شناسم. و از آن زمان تاکنون که دوشادوش هم که نه فکرافکر هم کار کرده ایم. و جای تعجب نیست که در بازار کار به ما می گویند آن دو از یک قماش هستند و گاه ما را به یک جلسه به طور همزمان دعوت نمی کنند. چون می گویند آن دو مثل هم می اندیشند و سخن می گویند-پس یکی کافی است. به هر روی، عرض این نبود خودم و دکتر مجدفر را معرفی کنم. می خواستم بگویم در این سال ها من با دو محصولی از مرحوم غلامرضا مجدفر شاعر زیسته ام: فرزندش و اشعار. مرتضی خود  تجسم شعر است برای من. به نظرم می آید گستره شعرهای مرحوم مجدفر را در کلمات خلاصه نکنم. چون شعر خود فشرده عالم است. پیشنهاد می کنم یاران شعراندیش فرصتی فراهم آورند دست کم فرصتی مجازی والایی و آنسویی شاعرانمان از وجوه گوناگون بازشناسی شود؛ نه فقط از حیث شعریت، بلکه از مناظر تربیتی، سیاسی،اقتصادی و … سرانجام آن که، دست مریزاد عزیزان ایشیق. انشا الله آرد آردا دوروب  و کولتوروموزون آرتیمئنا آرتراق. مرحوم غلامرضا مجدفر  الله دان جنت مکانلیق ایستیرم.

  4. سیزین بو گؤزل انتخابینیزدان تشکر ائدیرم. آتامیزین یادی همیشه لیک اولاراق بیزیم آرامیزدا دیری دیر. روحو شاد اولسون.

  5. چوخ معنالی بیر شعر دی .. الله رحمت ائله سین … من سایتین یولا سالانلارئندان تشکر ائدریم

  6. ایشیق ادبیات سایتین دئیرلی ایشیندن آتامیزی یاد ائله مک له منتدارلیغیمی بو وسیله ی له بیلدیریرم. حقیققت کی فقط سس و سوز دور کی آدامدان قالیر .بیر ده البته کی یاخچی آد و یاد …….یوجه آللاه اتامین رحمتین سیزین حرمتینیزی دا ها دا چو خالتسین.

  7. آتامین شکلینی و شعرینی سایتینیزدا گؤردوم. گؤزلریم یاشلا دولدو. سیزدن دؤنه-دؤنه تشکر ائدیرم. سیزین بؤیوک شاعیرلریمیزی یادا سالدیغینیز یازیلارین هامیسی یاخشی دیر. خصوصیله ان سون دؤرد شعرینیز و ساپلاق، آلاو، قافلانتی و مجدفری خاطیرلادیغینیز دونیالار قدر ارزشلی دیر

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *