«اَکیز تایی»نین تورشمزه‌لری (18)
چئویرن: رقیه کبیری
ترجمه: رقیه کبیری
رقیه کبیری

– چَلِنجه هن دئسن نه اولار؟ خانیمنیغیننان بیر شئی اَسکیلر؟
– آباجی بیر ده دئه! نمنه؟ چَلِنج؟
– هه چَلِنج. جانیم چیخیب ازبرله‌مَحدن. اوش گون چَحدی اؤرگندیم. توبه اَستافوروالـلاه، هر دن آز قالیردی ذکر یئرینه ده چَلِنج گلسین دیلیمه.
– آباجی منیم دؤوره‌مه جیزیخ چَح. من چَلِنج- مَلِنج اهلی دئییلم، باشیم اؤز قینیمدا.
– قیزیم! ایندی سن هَن دئسن ایش تامامدی. حاجیه سریه‌نین نوه‌سی منی چاغیراجاخ چَلِنجه، حاجیه سریه ده سنی. سنه آز یاخچی‌لیخ ائله‌ییب؟
– یاخچیلیغین بوزلو سویا نه دخلی؟
– اوّلأ نه بوزلو سو، نه ده دوز، بیزیمکی یا اَروُو-دی یا دا شَروُو. ایکینجیسی، نئجه نه دخلی؟ بیر نفر ایستیر کی حاجیه سریه‌ اونو چَلِنجه چاغیرا یا یوخ؟
– آباجی حاجیه سریه خانیم نه بیلیر چَلِنج ندی؟
– ماشاللاه! اؤزووه باخما کی توسباغا کیمی باشیوی سوخموسان قینیوا، اوتاغیننان ائشییه چیخمیسان، دونیادان خبرین یوخدی! حاجیه سریه آز قالیر بی‌بی‌سینین کارمندی اولسون.
– بیر دفه‌لیخ دئه فیس بوک حاجیه سریه‌خانیمین حضوروننان محروم قالیب داااا
– آآآآااا… خبرین یوخدی؟ نوه‌سی اونو دا آپاریب فیس بوخا. دئییسن بس چَلِنجیمیزین فیلمینی کیم گؤتوره‌جخ؟ نوه‌سی دا…
– اینانمیرام!
-اولاری بوشلا، گلمیشم سنن صلاح- مشورته. سن دئییسن شَروو یاخچیدی یوخسا اَروو؟ کلبه فاطما دئییر اَروو، دئییر بوزلو سو سَتَلجم ائلر، سورا باش آغریسین ییغیشدیرامماریخ، دوز دا آغیردی. دئییر بیردن باشیمیزا اَله‌ینده، آلـلاه ائله‌مه‌میش ضربه مغزی اولاریخ. دئییر کیم نه بیلیر، شامپونو قاتاریخ ایستی سویا، هم عاغیل باشیمیزین چیرکی، میکروفی گئدر، هم ده هئش کسدن دالی قالماریخ.
– نه دئمیشم بئله دوراندیش‌لییه!  والـلاه، عاغیل دا قدیم عاغیللار!
– من دئییرم آدام بیر ایش گؤرور، گرَح معناسی دا اولسون دا، شَروُو هم ریضایه دریاسینین قورماغینا اعتراضدی، هم ده آلِ‌لس نوخوشولوغونا گؤره طرفدارلیخ.
– آباجی! آ-ال- اس نوخوشولوغو،
– هله هر نمنه! حاجیه سریه دئییر بیزیم نه‌ییمیز اَسکیحدی، نم‌کیملردن دالی قالاخ!
– آباجی! اولماسا بو ایشیزی گینس‌ده ثبت ائله‌یین داااا
– بالا دیلیوی دیشله. بو ایشی کنیسییه زادا قاتما کی هئش بیریمیزین باشیمیز آغریمیر ها دردسره.
– آباجی قورخما! گینس دن کنیسه‌یه هئش دخلی یوخدی.
– ایندی نه دئییسن؟ حاجیه سریه‌یه نه دئیییم؟
– یوخ!
– چوخ نانکورسان! حاجیه سریه‌نین بیر کیفی‌دی بیر ده سنین کیتابلارین. هارا گئدیر کیتابلاریوی چیخادیب گؤرسه‌دیر. صیغه باجیمین نوه‌سینین کیتابلاریدی، دئییر. ایندی بی‌یوم سن بیر دولچا شَروو باشیوا تؤهمه‌یه اَرینیسن؟
– …
– سنین کیمی قورو بَی گؤرمه‌میشم. نه بؤیوح تانییرسان، نه ده خاطیر- حؤرمتدن باشین چیخیر.
– آباجی! دئییرسن باشیوا دولانیم آمما منیم نه دوزونان ایشیم وار، نه ده بوزلو سوینان. دئییرسن بیر دولچا سؤز اله‌ییم باشیما.
– ساغ اول والـلاه! من دئییرم دامنان داما، سن دئییرسن ییرتیغیمی یاما… !

شَروو: خوی دئییمی، دوزلو سو 
اَروو: خوی دئییمی، صابینلی سو
۹۳.۶.۷

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

«اَکیز تایی»نین تورشمزه‌لری (18)

شَروو چَلِنجی؟ یوخسا اَروو ؟

رقیه کبیری
www.ishiq.net

آذربایجان ادبیات و اینجه‌صنعت سایتی

«اَکیز تایی»نین تورشمزه‌لری (18)

شَروو چَلِنجی؟ یوخسا اَروو ؟

رقیه کبیری
www.ishiq.net

آذربایجان ادبیات و اینجه‌صنعت سایتی

«اَکیز تایی»نین تورشمزه‌لری (18)

شَروو چَلِنجی؟ یوخسا اَروو ؟

رقیه کبیری
www.ishiq.net

آذربایجان ادبیات و اینجه‌صنعت سایتی