بوگون دوشنبه 30 فروردین 1400 ساعات 01:08
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

arash11
خيابان‌دا…!
حمید آرش آزاد

 بير وقت، گز‌نده بو گؤزه‌ل يار خيابان‌دا
بير سَروِ خُرامان‌ايدي، سيّار خيابان‌دا
ايندي اگيليب قامتي من تك، گؤزو گؤرمور
ال‌ده عصا، گزمك‌ده‌دير آخسار خيابان‌دا
اوندا دولاشارديق كي، گؤره‌ك «تئريا» هاياندا؟
ايندي باخيريق، هاردا «مطب» وار خيابان‌دا؟!
چكديك خيابان‌لاركي، جوان‌لار ائده جؤولان
جؤولان ائله‌يير ايندي سيچان‌لار خيابان‌دا
باخ توستويه، توز- تورپاغا، هم سس- كويو دينله
مين‌لرله ماشين وار بو كيچيك – دار خيابان‌دا
لندن- نيويورك، اللي دنه «بورس» ساتانمير
ميليون‌لا گزير بوردا خريدار خيابان‌دا
«بورس» آل- وئريني بوشلا، «سهام» دان‌دا گؤزون اؤرت
عرضه ائله ميليون قوطو سيگار خيابان‌دا
كئچدي او زمان‌كي، لوطولار بوردا گزه‌ردي
جؤولان ائديري ايندي گؤزه‌ل يار خيابان‌دا
دلبر، يانينا خارجي- خيردا «تولا» سالميش
نازلا دولانير، ال‌ده‌ده اووسار، خيابان‌دا
ايت‌لرده اولوب قرتي، بالا قولچاغا بنزه‌ر
گاهدان‌دا چكير توك‌لره سشوار خيابان‌دا
بيردن گؤروروك جدّي- درين بحث‌لر اولدو
چوخ معنالي، حكمت‌لي‌دير افكار خيابان‌دا
بير عدّه سئوير ياز- يايي، مانتو ياشيل اولسون
بعضي سؤله‌يير: «چك اوجا ديوار خيابان‌دا»!
يوزمين يولون اولسا، يانينا سال ايكي يوز «گارد»
چون‌كي، موتور اوستده گزير اشرار خيابان‌دا
آچميش بساطين دستفروش‌لار، نئچه مين جور
وار فرش ساتان، فالچي، هم عطار خيابان‌دا
«آرش»! سؤزو كس، تئزجه اكيل، اورتادا دورما
گؤردون ياخاني توتدو طلبكار خيابان‌دا

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *