چئویرن: پاشا
ترجمه: پاشا
پاشا
00:00
00:00

قیچیمین آراسیندان قیزغین بیر ایلان چیخدی. بوتونلوکجه بدنیم سوست اولدو. یئنه سوروجولویه داوام ائدیرم. یولون، یاریسینی‌ دا هله سورمه‌میشم. اوره‌ییم آغزیمدان گلیر. یولا باخیرام. ایلاندان چوخ، ساغیمدا اوتوران بویلو قادینین بو اولایدان آگه اولماسیندان قورخورام.
بوتون گوجومله سوکانی آپاریرام. اؤزومو ایناندیریرام کی قورخمورام! اما اولمور! سانیرام تورموز توتماغا دا عاجیزم.
یولون، ائنسیز اولماسی‌ دا، ایشیمی لاپ چتینلشدیریر. ساغیم داغ‌دیر، سولوم دره!
– جره- جهنمه اَشی. ایلانین باشینی بیر نوع ایله اکه بیلسم، مقصده یئتجک، موسافیرلرین هئچ بیریندن کیرایه آلمارام.
ماشینی ساخلاماغا ایمکانسیزام. گؤزومون اوجو ایله باخیرام؛ قادینی یوخو آپاریب. دیدرگین حالدا، باشیمی دولاندیریب آرخا اوتوراجاقدا اوتوران اوچ کیشی‌یه باخیرام.‌ کؤک، بوغو بورما، قیوریم ساچ کیشی مورگوله‌ییر. ایکی قوجا دا چوخدان اویویوبلار!
چیغیرماق ایسته‌ییرم. اوره‌ییم چیرپینیر. قاپینی آچیب، آتیلماغا دوشونورم؛ بلکه بیر آغاجا، کولا، داشا… بیلمیرم، بلکه بیر شئیه ایلیشیب، دره‌نین سونونا گئتمه‌دیم!
سول الیمی، قاپینی آچماغا اوزادیرام. سولومدا، بیلنگیم یوغونلوقدا باشقا بیر قیزغین ایلان گؤزلریمین ایچینه باخیر! اؤزومو گرگین حیس ائدیرم.
– هه! حاققیم‌دیر! موسافیرلری اؤلومه گؤندریردیم!
یاواش- یاواش اؤزومو ایتیریرم. الیم قورویور…!
اؤزومه قاییدیرام. سوروجولویه داوام ائدیرم. قادینلا آرامدان باشقا بیر قیزغین ایلان، دلیجه‌سینه قالخیر! بوتون اونورغالاریما سانجی هوپور.
باشیم گیجه‌لیر… ساواش اوچاغی باشیمی نیشانه گئدیر؛ قیزغین ایلان‌لار، ماشین، دره، بویلو قادین، بوغلو کیشی، گنجلیک، کئچمیشیم، گله‌جک، مزار، باش‌داشیم، بورجلاریم…
– اده پهلیوان؛ اویان گؤره‌ک! ائله‌بیل ایلانلارین قوطودان چیخیب، سوروجوموزو قورخوزوب!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

قیزغین ایلان‌لار

پاشا
www.ishiq.net

آذربایجان ادبیات و اینجه‌صنعت سایتی

قیزغین ایلان‌لار

پاشا
www.ishiq.net

آذربایجان ادبیات و اینجه‌صنعت سایتی

قیزغین ایلان‌لار

پاشا
www.ishiq.net

آذربایجان ادبیات و اینجه‌صنعت سایتی