چئویرن: admin
ترجمه: admin
admin

قارا اؤرتوک‌لر
آیهان میانالی

شَهَرین اورتانجیل بؤیوک بیر کوچه‌سینده‌کی یئرلشن تیکینتی‌نین بئشینجی قاتیندا تئز یاشلانمیش اوتوزایکی یاش‌لاریندا بیر کیشی، قاریشیق بیر دوروم‌لا اوتورقایا سؤیکه‌نیب دریندن‌ نفس آلاراق دوشونجه‌لرینه دالمیشدی… بیر سورجدن سونرا دوش‌لریندن آییلیب گنج قادینین جسدینی پنجره‌نین یانینداکی اوجاغین قاباغیندان قوناق اوتاغینا ساری چکیر. قادینین یاریسینی اؤرتن بیر قارا اؤرتوگو، ماسانین چکمه‌جه‌سیندن چیخاردیر؛ بَدَنینی اؤرتمه‌گه باشلاییر. جسدین بوتونونو باسدیرماق اوچون عینی اؤلچولو باشقا اؤرتوک‌لر چیخاردیب، ایشینی سونا چاتدیریر…
ایندی بیر نئچه‌ دقیقه‌ اؤنجه‌کیندن‌ داها دینجَر دیر – اؤنجه‌کیندن‌ داها آرتیق دینجَر! درحال قالخاراق اؤرتوک‌لری باغلاماق اوچون، داماغینداکی سیقاری آلیشدیریب، ایپ‌لری پیچاق‌لا کسه‌رک، اؤرتوگون جانینا ساریییر. یورولوب یئنه موبلا سؤیکه‌نیب، دینجَرلیگینی پوزمازدان قالخیب جسدی اؤرتوگون قارا بویاغی‌نین سَسینه حاکیم اولاناجان اؤن قاپی‌نین قارشی‌سینا ساری، مومیالی بیر جسد کیمی، یئرده سوروتله‌ییر!.
ماشینین کیشنَرتیسی‌نین سَسی، کیشینی دینجَلدیر؛ ماشین قاران‌ باسمیش دایان‌قوردان گؤزلنیلمز توولا ایشیق ساچقیسی اولان قاپییا ساری چیخیر. کیشی قیرمیزی ایشیغین آرخاسیندا‌کی گوزگوده‌کی گؤرونن ساچ‌لارینا توخانیر، گوزگونو قالدیریر و قیرمیزی ایشیغا حسرت‌له‌ باخیر، آما اومودونون اولمادیغی قده‌ر ده‌گیل؛ نه‌دنکی داواملی دینجرلیگینی پوزماییب اونو قوروماق اوچون، بیر یول تاپاراق هر زامان آچار کیمی گؤرونور …
ایندی میانا-تبریز یولونون ایلان یئریشینه بنزر بوروق‌لارینی کئچیب، گؤزلری چایلاغین باغری‌یلا راستلاشیر. چایلاغین بوش گؤوده‌سیندن آرتیق، داش-قومون سس‌سیز-کویسوز اوتوروشو گؤزلره چارپیشیر؛ بیرآز ایره‌لیده‌ اولان تونئله یاخین یولدا، تبریزده‌کی رومانتیک بیر گؤروشوندن قاییدان گنج بیر اوغلان، ماشینی‌نین آرخا اوتورقاسیندا قویدوغو چیچگی گؤتوروب پنجره‌دن ائشیگه آتیر و آردینجا اورتا یاشلی کیشی‌یه عایید اولان ماشینین یانیندان کئچیر؛ سونرا اورتا یاشلی کیشی‌، گؤزلرینی درین بیر باخیشا قوناق ائدیب، اولدوغو یئره‌ چاتماق اوچون یئنی‌دن بیر باشقا سیقار یاندیریر!
شاخار گون ایشیغی، گونش و اوزاق بورولقانلی میانا-تبریز یولو… سئچیلن کیمسه أساس یولون کؤلگه‌سینی بیلمیر‌سه‌، اونو دولدوران چوخوردا دینج بیر گله‌جه‌گین گؤرونتوسونو گؤرور؛ درین بیر نفس آلیر، چوخ درین و آزاد بیر نفس آلیر – قارا اؤرتوگون اوستونلوگو سونا چاتدیقدا و اوزاقدان اونو اؤلدورن بیر: گولله سَسی!
تونئل، یول‌لارین بورولقان‌لیغی، بوش چایلاق‌لار، سوسان داش‌-قوم‌لار، میانا و اؤتن یاشانتی‌لارین اؤگئی حسرت‌لری، کیتابین قاران باسمیش صفحه‌لرینده، ایتمه‌گه باشلاییر…

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

قارا اؤرتوک‌لر / آیهان میانالی

admin
www.ishiq.net

آذربایجان ادبیات و اینجه‌صنعت سایتی

قارا اؤرتوک‌لر / آیهان میانالی

admin
www.ishiq.net

آذربایجان ادبیات و اینجه‌صنعت سایتی

قارا اؤرتوک‌لر / آیهان میانالی

admin
www.ishiq.net

آذربایجان ادبیات و اینجه‌صنعت سایتی