علمی ناغیل
چئویرن: ایشیق
ترجمه: ایشیق
ایشیق

چوخ- چوخ اوزاق زامانلاردا، یئر اوزونده یاشایان بیتکی‌لر بالاجا، رنگسیز و ضعیف‌ایدی. اونلار اؤزلرینه یئمک تاپا بیلمیردیلر و آجلیق چکیردیلر. اوزون مدت چیخیش یولو آختاراندان سونرا، اونلار گونشدن کؤمک ایسته‌دیلر. قوروموش بوداقلارینی گؤیه قالدیردیلار؛ گونش بیزه کؤمک ائت- یالواردیلار.
گونش فیکیرله‌شیب راضی اولدو.
–  یاخشی- دئدی گونش. – سیز دئدیگینیز اولسون. من سیزه “کلروفیل” آدیندا سئحیرلی یاشیل بویا باغیشلاییرام. سئحیرلی کلروفیله صاحب اولان هر کس منیم قیزمار شعالاریمین گوجوایله عادی سو و هاوادان دونیادا ان لذتلی یئمک‌لر حاضیرلایا بیلر. ایندی‌ایسه هدیه‌می قبول ائدین!
بونو دئییب گونش سئحیرلی دعا اوخودو و همین آن بوتون بیتکی‌لر کلرفیله دولوب یاشیل رنگه بوروندولر.
–  چوخ ساغ اول گونش- تشککور ائتدی بیتکی‌لر.
–  دیمز- جاواب وئردی گونش. – آمما بیلین کی، منیم‌ده سیزه بیر شرطیم وار: سیز هاوانی تمیزله‌مه‌لیسینیز کی، دوستونوز حیوانلار سربست هاوا آلسینلار. سئحیرلی کلروفیلین کؤمکی‌ایله سیز هاوانی تمیز و شفاف ائده‌جکسینیز. هاوا تمیز اولماسا، بوتون حیوانلار بوغولار. اونا گؤره‌ده سیز دوستلارینیز حیوانلار اوچون هاوانی تمیزله‌مه‌لیسینیز.
بیتکی‌لرین چوخو بو شرطله راضی اولدو و هاوانی تمیزله‌مه‌یه باشلادی. هاوا قیسا بیر مدتده آلماس کیمی تمیز و آیدین گؤرونوردو. گونش‌ده بیتکی‌لرین قاباغیندا بورجلو قالمادی. اونلارا بؤیومک، چیچکلنمک و بار گتیرمک گوجونو باغیشلادی.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

علمی ناغیل

گونشین هدیه‌سی / واقف صمد اوغلو

ایشیق
www.ishiq.net

آذربایجان ادبیات و اینجه‌صنعت سایتی

علمی ناغیل

گونشین هدیه‌سی / واقف صمد اوغلو

ایشیق
www.ishiq.net

آذربایجان ادبیات و اینجه‌صنعت سایتی

علمی ناغیل

گونشین هدیه‌سی / واقف صمد اوغلو

ایشیق
www.ishiq.net

آذربایجان ادبیات و اینجه‌صنعت سایتی