چئویرن: ائلدار موغانلی
ترجمه: ائلدار موغانلی
ائلدار موغانلی

(اوستاد کریم مشروطه‌چی «سؤنمز»ین آد گونو مراسیمینده ائلدار موغانلی‌نین چیخیشی‌)
تهران ۱۴ اردیبهشت ۱۴۰۲- مدرسه بین‌المللی نیکو)

هر سؤزدن اول ساهر ادبی مدنی درنه‌یینه ده اؤز تبریکلرینی دئمه‌یه واخت آییردیقلاری اوچون بو گوزل تدبیری تشکیل ائدن دوستلاردان تشکر ائدیب، اؤز منتدارلیغیمیزی بیلدیریریک.
هامیمیزین سئویملیسی و ادبی اجتماعی جمعیتیمیزین اونونلا غرور دویدوغو اوستاد سؤنمز، نه اینکی ادبی درنک‌لریمیزین سئویملیسی، هم ده معاصر آذربایجان ادبی مدنی تاریخیمیزین پارلاق سیمالاریندان بیری، سارسیلماز تمثیلچیسی، وجدانلی اجتماعی شخصیتی، آنا دیلیمیزین و ملی وارلیغیمیزین گؤرکملی وورغونلارینداندی.
اوستاد سؤنمز آذربایجان ادبیاتینی زنگینلشدیرن، بؤیوک بیر نسیلده وطن‌پرورلیک و انسان سئورلیک کیمی خاصیتلری بئجه‌رن، سئوگی، محبت، گوزه‌للیک، مردلیک و سؤنمزلیک کیمی انسانی کیفیت‌لری بدیعی لوحه‌لرده جانلاندیران شخصیتلریمیزدن‌یر.
بیز امینیک، اوستاد سؤنمزین یاشادیغی شرفلی عؤمور، یاراتدیغی زنگین ادبی خزینه، آنا دیللی ادبیاتیمیزدا قازاندیغی اؤزونه مخصوص مؤوقع و میللی وارلیغیمیزین چیچکلنمه‌سینده صرف ائتدیگی امک، اونو کلاسیک‌لریمیز سیراسیندا، نسیل‌لردن نسیل‌لره و دیل‌لردن – دیل‌لره کئچیره – کئچیره یاشاداجاقدیر.
من ساهر ادبی مدنی درنه‌یی عضولری و ایشیق سایتی امکداشلاری آدیندان، شخصیتی‌له، یارادیجیلیقی‌لا و انسانی کیفیتلری‌له فخر ائتدیگیمیز گؤرکملی قلم صاحیبی اوستاد سؤنمزه جان ساغلیغی، داهادا یارادیجیلیقلا بزه‌نمیش عؤمور آرزولاییرام و منتدارلیق حسی ایله سئویملی اوستادیمیزین الینی سیخیر و اونو بو آد گونو موناسیبتیله صمیمیتله تبریک ائدیرم.
اومید ائدیرم اوستادین یوز ایللیگینی آذربایجانین دؤیونن اوره‌یی شانلی تبریزده بؤیوک طنطنه ایله قید ائده‌ک. او گونون اومیدیله. ساغ اولون

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوستاد «سؤنمز»؛ ادبیاتیمیزین پارلاق سیماسی

ائلدار موغانلی
www.ishiq.net

آذربایجان ادبیات و اینجه‌صنعت سایتی

اوستاد «سؤنمز»؛ ادبیاتیمیزین پارلاق سیماسی

ائلدار موغانلی
www.ishiq.net

آذربایجان ادبیات و اینجه‌صنعت سایتی

اوستاد «سؤنمز»؛ ادبیاتیمیزین پارلاق سیماسی

ائلدار موغانلی
www.ishiq.net

آذربایجان ادبیات و اینجه‌صنعت سایتی