ایکی غزل
منوچهر آزاد فانی
(۱)
ایچیمده ۶۰ ایل اؤلدوم، ایچیم قبیر کیمیدی
نه وار ایچیمده منیم پاسلی بیر دمیر کیمیدی
بو یار ایچیمده منیم سکگیز ایل قوروب سنگر
و بعث‌لر دؤیوشونده اولان اسیر کیمیدی
منیم دادیم- دوزوم اولموش منه جییار پاراسی
منیم وطندی بوتون ایسته‌ییم فطیر کیمیدی
گؤزومده شاهگؤلو قوردوم چیمیزدیرم غزلی
غزل ده حیسه گلینجه بو «شاه گلیر!» کیمیدی
نه گؤر قبیردی ایچیم آه قازان قازیر بیلمیر
ایچیمده آلتمیش ایل اؤلدوم، ایچیم قبیر کیمیدی
(۲)
۵ ایل آغلار گؤزومون یاشلارینا آند ایچدیم
سئودیگیم قونشو قیزین قاشلارینا آند ایچدیم
سیز بئش ایلدن دئمه‌یین هر گونو بیر ایل کئچدی
و تابوتلاردا شهیدلر باشینا آند ایچدیم
نه سویوق اولدو بو سئوگی هئچ اینانمیردیم من
اوره‌یینده گووه‌رن داشلارینا آند ایچدیم
من کی قالدیم الی بوش، باغری قان اولدوم، هر گون-
کؤرپه -کؤرپه دوغولان سئوداسشینا آند ایچدیم
بئش ایل آغلار گؤزوم یاس توتوب، آغلار قالدیم
بئش ایل آغلار گؤزومون یاشلارینا آند ایچدیم
