چئویرن: ایشیق
ترجمه: ایشیق
ایشیق

سووور…گون… اولوب سورولوب
ثریا قاسم‌زاده(تبریزلی اولکر)

آیسیز، توتغون قارلی گئجه
غریبلیکدن بیر پرده‌دیر …
(حبیب ساهر)

سووور…گون… اولوب سورولوب، ساوورولاراق شهردن شهره، اؤلکه‌دن اؤلکه‌یه و حالدان حالا گئچمک بعضن تکجه بیر اینسانین آلین یازیسی دئییل. سورگونلوک بیر روح حالیدیر. بیزیم اؤلکه‌میزده ایسه اینسانلارین آلین یازیسیدیر. آتادان بالایا، آنادان بالایا گئچیر و نسیل‌لری شهرلر آراسی، اؤلکه‌لر و قاره‌لر آراسی سوروب، ساوورور.
حبیب ساهیر یازیسی، شعری و یاشادیقلاری ایله بیر نسلین سورگونلوک آبیده‌سی اولابیلر و ایل‌لر سونرا تهراندا اؤز دئدیگی کیمی سورگون حیاتی یاشایان بیر رسام قادین یاشادیغی حیسیاتی ایله، سورگونلوک، حسرت و سیزی‌سین بویالار ایله آغ پرده اوزره مخاطبین اداراکینا چاتدیرماغا چالیشا بیلر.
دَیرلی رسام وجیهه خانیم فکور، بئش ایل‌ سورجینده‌کی بیر تجربه اساسیندا رسیم و کلاژ اولاراق جانلاندیردیغی اثرلرین سرگیله‌میشدیر. رسام دویغوسال و شعبرسل ایلیشگیلر و حیسیاتدان ایسترسه آدلی، ایسترسه آدسیز و سانسیز فضالاردان، اؤلکه‌سینین سیمگه و اوزلریندن، داها وارلیقدا اولمایان حیط و توت آغاجیندان دانیشماقدادیر…
تابلولاردا کوهنه‌لمک، یوخ اولماق اونون آردینجا جانلی عنصرلر ایله یئنی‌لنمک، سورگون اینسانین حیسیاتی حسرت و سیزیسی و گاهدان آنی یوکسلیشی، کول اولوب یانمالاری، چوخ اوزاقدا دوران ساده‌جه خاطیره‌لرده یاشایان آغاجلار، آنا یوردونون مقدس سیمگه‌لری و قوتسال اوزلری و … کیمی مفهوملار بیر تورک رسام و شاعیرین نئچه نسلین حیاتیندا گئچن دویغورلاری یانسیتماغا گوزلجه باشارمیشدیر.
وجیهه فکور، ۱۳۳۸-ده تبریزده دونیایا گوز آچیب، ایلک مکتبی تبریزین «بنفشه»، اورتا مکتبی ایسه «پروین» مدرسه‌سینده باشا وئردیکدن سونرا، تبریز اونیورسیته‌سینه داخل اولوب. ۱۳۶۶-دا ائولنیب، تهرانا کوچموشدور. ایکی اوغلو وار.
۱۳۶۰-لی ایل‌لردن اعتیبارا رساملیغا باشلاییب، او ایران رساملار انجمنی‌نین داییمی عضوودور.
۱۳۷۲-جی ایلدن بری بیر چوخ جمعی سرگیلره قاتیلمیشدیر.
۱۳۷۹- جو ایلدن اعتیبارا آشاغیداکی انفرادی سرگیلری اولموشدور:
۱۳۷۹- تبریز – یاسمی گالری‌سی
۱۳۸۰ – تهران- الهه گالری‌سی
۱۳۸۴- تهران – الهه گالری‌سی
۱۳۹۸- تهران- عصر گالری‌سی

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

سووور…گون… اولوب سورولوب / ثریا قاسم‌زاده(تبریزلی اولکر)

ایشیق
www.ishiq.net

آذربایجان ادبیات و اینجه‌صنعت سایتی

سووور…گون… اولوب سورولوب / ثریا قاسم‌زاده(تبریزلی اولکر)

ایشیق
www.ishiq.net

آذربایجان ادبیات و اینجه‌صنعت سایتی

سووور…گون… اولوب سورولوب / ثریا قاسم‌زاده(تبریزلی اولکر)

ایشیق
www.ishiq.net

آذربایجان ادبیات و اینجه‌صنعت سایتی