چئویرن: ایشیق
ترجمه: ایشیق
ایشیق

بؤیوک اینسانین ثمرلی یاشامی؛ «دکتر ترابی»‌له اولاندا
فرانک فرید(ایپک)

پروفسور دکتر علی‌اکبر ترابی جناب‌لاری‌نین اؤلومونون ایل دؤنومو مناسیبتیله
دکتر ترابی‌دن تام معنادا بؤیوک انسان اولماق آلیناردی. اونونلا اولاندا سانکی هوندور بیر آغاج آلتیندا اوتورموسان، اونون سایه‌سینده کؤلگه‌لنیرسن، میوه‌سیندن فایدالانیرسان؛ مینّتـسیز، سونّتـسیز!
اؤزو ده اوجالیب او بویا چاتیب، درمک لازیم دئییلدی. میوه‌لر اوزو دوشردی! هرکسین اؤز چیخارینا گؤره، دوروما اویقون دانیشیب؛ اؤنری، اؤیود وئرردی. بیرینی کوچومسه‌مزدن، خَـطْرینه توخانمازدان، اؤز بؤیوکلوغونو گؤزه سوخمازدان. سونرالار، اوندان آلدیق‌لارین، جوره به جوره حیات دولانباج‌لاریندا کاریوا گلردی؛ عؤمره بیتر ایشه یاراردی. اونون کؤچمه‌سی آغیر ایتیک ایدی؛ قدیرلر یئتریجه بیلنمه‌ین، بؤیوک‌لرین یئتریجه تانیتمایان بو اؤلکه‌یه، ایتیک‌لرین ایتمه‌سی‌دیر!
کئچن ایل خبری ائشیدندن سونرا اؤزومو تبریزه چاتدیردیم. فرمان دالیندا گؤزلریم ایستر-ایسته‌مز دولوردو، قاباغی گؤرمگیمه مانع اولوردو. بیردن اؤزومه گلدیم. دکتر ترابی ماتم گؤتورن آدام دئییلدی! او آنجاق و آنجاق روحیه‌لی اولماغی، باشارینی، دایانماغی، دیرنمگی باشاراردی، باشاتدیراردی. قول-قوناد اولاردی، قول-قاناد وئرردی… او چاغ‌لارین بیری گئنه چاتمیشدی، گئنه کاریما گلمیشدی. بو سفر منی، اؤزونه اوزگونلوکدن چیخارتماقدا و بوتون یولو روحیه‌لی گتیرتمکده! سئوینیردیم اونون بیزه بخش اولدوغونا؛ سئوینیردیم حیاتی‌نین سونونا کیمی ساغ یاشادی؛ حیاتدان آلدی، حیاتا وئردی.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بؤیوک اینسانین ثمرلی یاشامی؛ «دکتر ترابی»‌له اولاندا/ فرانک فرید(ایپک)

ایشیق
www.ishiq.net

آذربایجان ادبیات و اینجه‌صنعت سایتی

بؤیوک اینسانین ثمرلی یاشامی؛ «دکتر ترابی»‌له اولاندا/ فرانک فرید(ایپک)

ایشیق
www.ishiq.net

آذربایجان ادبیات و اینجه‌صنعت سایتی

بؤیوک اینسانین ثمرلی یاشامی؛ «دکتر ترابی»‌له اولاندا/ فرانک فرید(ایپک)

ایشیق
www.ishiq.net

آذربایجان ادبیات و اینجه‌صنعت سایتی