چئویرن: مرتضی مجدفر
ترجمه: مرتضی مجدفر
مرتضی مجدفر

جلد سئللر ساراسی (۱)
«سئل‌لر ساراسی» دالغالاندی
دوقتور مرتضی مجدفر

تانینمیش فولکلوریک افسانه، آپاردی سئللر سارانی اساسیندا یازیلان، «سئل‌لر ساراسی» آدی ایله آدلانان  یئنی کیتاب چاپدان بوراخیلدی. بو ۱۰۰ صحیفه‌لیک کیتابین یازاری، ائلیمیزین قدرتلی شاعیر و یازیچی‌سی و ایللر بویو معلیم‌چیلیک و اجتماعی ایشلرله آذربایجانلیلارین آراسیندا اعتبار قازانان «اوستاد حبیب فرشباف»دیر. کیتاب، ییغجام و یئنی اسلوبدا یازیلان اجتماعی آذربایجان رومانی‌دیر. یازیچی‌نین دئدیینه گؤره، او بو کیتابی، فارس یازیچی‌سی، «محمدرضا یوسفی‌«نین «سارای» آدلی رومانیندان الهام آلاراق، آذربایجان تورکجه‌سینده یاراتمیشدیر. آنجاق کیتابی، یوسفی‌نین سارایی ایله مقایسه ائتدیکده، حبیب فرشبافین یاراتدیغی کیتابین نه قدر فرقلی اولدوغونو آنلاماق اولور. فرشبافین رومانیندا، موغان بؤلگه‌سنده یاشایان آذربایجانلیلارین دورو حیاتلاری، ساغلام و آخیجی دیللری و دولغون عادت- عنعنه‌لری آیدین‌جاسینا گؤزه دییر. حال بو کی، سارای، تکجه یازی اسلوبلارینا وفالی قالان بیر اثر‌دیر و تانینمیش فولکلوریک سارا، یوسفی‌نین رومانیندان سیلینیرمیشسه، اونون هئج ده آذربایجاندا یا خود باشقا دیارلاردا اوز وئرمه‌یی فرقلی اولا بیلمز ایدی. دئمک، حبیب‌ فرشباف، حیاتیندا داوراندیغی عادت اوزه‌ره، بورادا دا، تواضعکارلیقلا، اؤزونو «یازیچی» مقامیندان، «ترجمه‌چی» حددینه قدر آشاغی چکمیشدیر، حال بو کی، نئجه دئیرلر او تکجه یوسفی‌نین رومانیندان الهام آلمیشدیر.
سئل‌لر ساراسی رومانی‌نین دیلی نهایت درجه‌ده آخیجی و ساغلام‌دیر و آذربایجان دیلی‌نین معاصر نمونه‌سی کیمی تورکجه کیلاسلاریمیزدا تدریس اولونمالی‌دیر. بوندان علاوه، یازیچی‌نین شاعیرلیک بویالاری، بیر چوخ یئرلرده اونون نثرینی، مسجع نثر حددینه قدر یوکسلدیر و حتی بیر نئچه یئرده، خصوصیله کیتابین سون حیصه‌لرینده ائله شعره چئوریلیر. موغان بؤلگه‌سینده و صداقتلی ائل‌سئون ائلات‌لاری‌نین یانیندا یاشایانلار، هم ده بو بؤلگه‌نین اهالیسی، کیتابی اوخوسالار، یقین سئل‌لر ساراسی‌نین نثرینی، هم ده رومانین گئدیشینی سئوه‌جکلر.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

«سئل‌لر ساراسی» دالغالاندی/ دوقتور مرتضی مجدفر

مرتضی مجدفر
www.ishiq.net

آذربایجان ادبیات و اینجه‌صنعت سایتی

«سئل‌لر ساراسی» دالغالاندی/ دوقتور مرتضی مجدفر

مرتضی مجدفر
www.ishiq.net

آذربایجان ادبیات و اینجه‌صنعت سایتی

«سئل‌لر ساراسی» دالغالاندی/ دوقتور مرتضی مجدفر

مرتضی مجدفر
www.ishiq.net

آذربایجان ادبیات و اینجه‌صنعت سایتی