چئویرن: ایشیق
ترجمه: ایشیق
ایشیق

موسیقی صنعتیمیزین بیر بوداغی دا قیریلدی
باشین ساغ اولسون آذربایجان!

چوخ تاسفله کئچن بیر آیین ایچینده موسیقی صنعتیمیزین دیرلی سیمالاریندان آردیجیل اولاراق «فرود گرگین‌پور» قاشقایلی، «کاظم ارس» و «بهرام پورناصح»ی الدن وئردیک. چوخ تاسفله بوگون بهمن آیی‌نین بئشینجی گونو تانینمیش موسیقی خادیمی، دیرلی موغام اوستادی و حؤرمتلی خواننده‌میز «حسن ایرانی»نین آرامیزدان ابدیلیک آیریلماسی خبرینی ائشیتدیک. بئله‌لیک‌له بو دیرلی صنعتکار و گؤزل انسان دا ابدیلشمیش آذربایجان صنعت اولدوزلارینا قوشولدو.

اوستاد حسن ایرانی گونش ایلی ۱۳۳۰دا «هریس» ماحالی‌نین «هییه» کندینده آنادان اولموش، اصلیتی موغان شاهسون ائلی‌نین «کورابازلی» طایفاسینداندیر. ایلک مکتبی هریس شهرینده، اورتا مکتبی تبریزین لقمان مدرسه‌سینده بیتیریب، تبریز دانشگاهیندا ایسه فلسفه رشته‌سینده لیسانس آلمیشدیر؛ آنجاق عؤمرونون چوخ ایللرینی آذربایجان موسیقیسینه خصوصیله ده موغاما صرف ائتمیش و بو ساحه‌ده موغام سیرلرینی و موغام ردیفلرینی یاخشی بیلن صنتعتکارلاریمیزدان اولموشدور.
گؤرکملی موغام اوستادی «حسن ایرانی»نین جنازه‌سی بهمن آیی‌نین ۶نجی گونو (یکشنبه) ساعات ۱۱:۳۰ده تبریز شهری‌نین وادی رحمت مزارلیغی‌نین «هنرمندلر» بؤلومونده تورپاغا تاپشیریلاجاق.
«ایشیق» – آذربایجان ادبیات و اینجه صنعت سایتی- امکداشلاری آدیندان بو آغیر ایتگینی آذربایجان خالقینا، دیرلی صنعتکاریمیزین حؤرمتلی عائله عضولری و تانیشلارینا و آذربایجان موسیقی صنعتی‌نین خادیملرینه باش ساغلیغی وئریر و اوستادین شرفلی خاطره‌سینی عزیزله‌ییریک.

«ایشیق» – آذربایجان ادبیات و اینجه صنعت سایتی
۵/۱۱/۱۳۹۸

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

موسیقی صنعتیمیزین بیر بوداغی دا قیریلدی

ایشیق
www.ishiq.net

آذربایجان ادبیات و اینجه‌صنعت سایتی

موسیقی صنعتیمیزین بیر بوداغی دا قیریلدی

ایشیق
www.ishiq.net

آذربایجان ادبیات و اینجه‌صنعت سایتی

موسیقی صنعتیمیزین بیر بوداغی دا قیریلدی

ایشیق
www.ishiq.net

آذربایجان ادبیات و اینجه‌صنعت سایتی