اوزئییر حاجی‌بیگ‌اوفون «لیلی مجنون» اثری تهراندا صحنه‌لشه‌جکدیر

دونیا شؤهرتلی آذربایجان بسته‌کاری اوزئییر حاجی‌بیگ‌اوفون داهی فضولی‌نین «لیلی مجنون» منظومه‌سی اساسیندا یاراتدیغی اوپرا اثری تهرانین فردوسی سالونوندا صحنه‌لشه‌جکدیر. کوکلا تئاتری شیوه‌سینده تاماشایا قویولاجاق بو اثری کوکلا تئاتری ساحه‌سینین تانینمیش صنعتکاری «بهروز غریب‌پور» رهبرلیک ائده‌جکدیر. تاماشادا بو اثر اوزه‌رینده صنعتکارلیق گؤسترمیش آذربایجان خالق آرتیستلری: زینب خانلاراوا، رشید بهبوداوف و عارف بابایوفون ایفا سسلری سسله‌نه‌جکدیر. تاماشا اسفند آیی‌نین ۸یندن ۱۸ینه قده‌ر صحنه‌ده اولاجاقدیر.