shimshek

آذربایجانین تانینمیش اجتماعی شخصیتی و گؤرکملی حکیم شاعری و جذامی‌لرله علاقه‌دار بیر عؤمور چالیشدیغی اوچون ائل آراسیندا جذامی‌لرین آتاسی آدلانان دوقتور محمدحسین مبین(شیمشک) بو گون وفات ائتمیشدیر.
الیمیزه چاتان خبره اساسن دوقتور محمدحسین مبین(شیمشک) ۸۸ یاشیندایکن قوجالیق اوجباتیندان مهر آیی‌نین آلتیسیدوشنبه گونو تبریز شهرینده حیاتا گؤز یومموش و صاباح (سه‌شنبه) تورپاغا تاپشیریلاجاقدیر. خالقیمیزین بو فداکار اوغلونون وداع و تورپاغا تاپشیرما مراسیملریله باغلی الیمیزه چاتان هر‌هانکی بیر خبری عزیز و حؤرمتلی اوخوجولاریمیزا چاتدیراجاغیق.
ایشیق- آذربایجان ادبیات و اینجه سایتی امکداشلاری باش وئرن بو آغیر ایتگینی خالقیمیزا، اؤلکه اجتماعیاتینا، ادبی جمعیتیمیزه و مبین عائیله‌سینه باش ساغلیغی و اوستادین اونودولماز و شرفلی خاطیره‌سینه عشق اولسون دئییر.

ایشیق- آذربایجان ادبیات و اینجه صنعت سایتی
۰۶/ ۰۷/ ۱۳۹۴

۱۲۰۳۹۳۲۵_۷۲۵۱۱۹۴۲۷۵۹۹۹۶۰_۵۰۲۱۷۴۹۲۹۰۷۹۰۳۲۸۰۴۲_n