upload_1021-Extra

فصيل‌لر
علی فرضی‌زاده(سئل‌اوغلو)

گون گلدي آي دولانـدي

یاز گئچـدي ياي دولاندي

پاييز چاتدي نه چاتـدي !

يئل سسيـني اوجالـتـدي

باغچالارين، بـاغـلاريـن

بوستانلاريـن، تـاغـلاريـن

اؤز حؤكمونو يئـريـتـدي

قانـادلاريـن  قـوروتـدو

سويوق دوشدو  داغـلارا

قونـدو  خـزل بـاغـلارا

ياشيل شالين آچدي  داغ

دوزَنـمه دي باغچـا بـاغ

باغدا دونون چيخارتـدي

خزل ديـشين  آغارتـدي

قيش پاييزي خوشـلادي

داغدا قـاري بـاشـلادي

قيش داغا قـار سـرنـده

پـاييز  بـئـلـه گـؤرنـده

گوردو وئريب تختيـنـي

دانـلادي اؤز بختـيـنـي

چوخ چاليشدي اولمادي

آرزولاري دولــمـادي

اولدو پاييز كؤچمـه‌لـي

اؤز حققيندن کئچـمه‌لي

قيش پاييـزي قـاتـلادي

پاييز ياندي چـارتـلادي

عُؤمرو باشا چاتمـامـيـش

باشين آچيب ياتـماميش

آلدي عؤمرون احـتـيـاج

اولدو پايـيـز نـا عـلاج

قالدي ياريم جان قالدي

قيش ميدانـي دولانـدي

×××

كوشولدادي  چـاغـلادي

گَديكـلـري بـاغـلادي

يول يولاغي كـسـدي او

اؤز كئفي تك اسدي  او

قيش چالخانا ـ  چالخانـا

دؤندو قودوز  دوشمانـا

مكتبـه يـول اولـمـادي

اولمـادي كي اولمـادي

اوشاقلار ائوده قـالـدي

ائوده سس كوي اوجالدي

اوشاق، بؤيوك‌هاميسي

بير ـ بيره قاتدي سسـي

هامي دئدي يـاز  گـلـه

يازدا كئفي ساز  گـلـه

سون قويا قيش  عؤمرونـه

ياز يايا فرمـان يـئـنـه

كيچيك چيلله  قوتارجاق

ياز يئره ساچدي ناچاق

ائتدي قيشـي مـسـخـره

بورنونو سورتدو  يئـره

قيشين قارين، بوزونـدا

سويوقوندا، سوزونـدا

ائـتـدي مـلايـم بـاهـار

قالدي او جور قيش ناچار

بوتون قارلار سـو اولـدو

قور ـ‌قوبويه  دولونـدو

دؤزمه‌دي قيـش  آغـلادي

داغدا  قـارا بـاغـلادي

دانـلادي  داغ داشـلاري

قيش گؤزونون ياشلاري

ياز ياغيشي دئـيـيـلـدي

تورپاق بوتون  آييلـدي

قار آلتدا بيتدي  چيچـك

داغلارا اولدو  لئـچـك

×××

باغ باغـاتـدا اويـانـدي

شهـامـتـلـه دايـانـدي

چيچك آچدي گول آشدي

گول يارپاغا دولاشـدي

گؤيدن سازين  ائنديـردي

گول بولبولو  دينديـردي

قـوربـاغـالار  سـولاردا

سس اوجالتـدي اونلا ردا

دَيدي بوتون سس سسـه

هليك لر دوشدو بحثـه

قاققيلداشـدي داغـلاردا

بولـبـولـرده بـاغـلاردا

چهچه ووروب اوخـودو

گول چيچكلر قوخـودو

عطير سپـدي هـر  يـئـره

پيچيلدادي  بيـر ـ بيـره

 شاعير اولا ايندي كـاش

دينله‌يـه ياواش ـ ياواش

بو نغمه ني بـو عـطـري

بو چلنگي بـو چـتـري

شعر ايپيـنـه  تـوخـويـا

اوشـاقـلارا اوخـويـا

آرزولايـا يـاز عؤمـرون

يازين كئفي ساز عؤمرون

يازا اوشـاقـلار اوچـون

كؤچورده قيشين كؤچون

“سئل اوغلو”يا  بيـلـديـره

اوشاقـلاري گـولدوره

يادا سالا  كئچميـشـيـن

چارتلادا عؤمرون قيشين