Home / Tag Archives: ناصر داوران (page 5)

Tag Archives: ناصر داوران

دئو/ ناصر داوران

دئو ناصر داوران یئیینله‌‌مه‌‌ییمه جاواب اولاراق، او دا یئیینله‌‌ییردی. وار گوجومله قاچیردیم، فایدا وئرمیردی. دایاندیقدا دایانیردی. گؤزونو بیر آن مندن یاییندیرمیردی؛ گئند‌‌ن باخان دئیه‌‌ردی بس منی قوروماغا چالیشیر، حال بو کی طالعیمه دوشن ایشکنجه‌‌لری شعله‌‌لندیریب، عزرائیلی یامسی‌‌لاماق ایسته‌‌ییردی. گئتدیکجه ده بؤیویوردو، شیشیردی. ائله بیل دره‌‌نین‌هاواسین تمامی‌‌له اودوب، قارنیندا ساخلاییردی. آغزی کؤپوکلو سولار دره‌‌نی قاتمیشدی قاباغینا. قیزمیش ده‌‌وه کیمی‌اؤزون قایالارا چارپاراق ...

Read More »

اوغوز/ ناصر داوران

اوغوز ناصر داوران اورتا آسیادان قول ـ قاناد آتیب اوزو بئله ده گله‌رک داغارجیغیندا قورودوغون نه‌دیر اوغوز؟! ـ منی قوخویان قورقودون دیلی. یئر کوره‌سین دولاناراق قوروموشام اؤزلویومو. – سورگون ماهنی‌لارین قانادیندا کوسولرین داشییان نئچه مین یاشلی کیشی بوغازیندا دویونله‌نن گؤی‌قورشاغی اسه‌جک‌می‌بیر داها آرازدان قیدالانان تورپاغین کؤلگه‌سیز چاغیندا؟ ـ آچیلماسا بو دویون قورخونج اولار قوش‌لارین قانادسیز دورومو، خسته‌لیک یول آچار بیتگی‌لرین ...

Read More »

اؤز دیلیمده اؤلمک ایسته‌ییرم/ ناصر داوران

اؤز دیلیمده اؤلمک ایسته‌ییرم ناصر داوران نئجه‌ده غربت داشیییر آغزی دیلینه زندان کسیلمیش مظفریه‌لرده کی بویاسی نار قوخویان قوز قوخویان ناغیل‌لارینا ماهنی یاراسی بارماق اینیلتیسی قاریشان اسکی‌دن ایندییه‌دکلیییم. تبریزین گؤیونده قانادلاری بیر بیرینه دولاشیر اؤز دیلینده اوچماغی اونودموش قوشلارین. اؤلوب گئدرم دئدیم منیم‌له بو درد ده قویلانار اؤلوب گئتدیم‌ده یئرینده قالدی درد اؤز دیلیمده اؤلمه‌میشدیم آخی.  

Read More »

ايكي نفر/ ناصر داوران

ايكي نفر ناصر داوران ائشيديرمي‌سن دنيزين آياق سس‌لرين بو چتين كيشي‌نين باخيش‌لاريندا؟ چيچك قوخولو قافاسيندان ديكسينير چيركين قرارلار اؤلوم قورخور. موسيقي دادي وار حياتا كئچيريلمه‌ميش دويغولاريندا. بير نفر فيشقا چالا ـ چالا ساحل بويو آياق‌لارين تولازلايير يانيندان اؤتن‌لري گؤرمه‌دن، مارتي‌لارا قارمان چالان اوغلانين سوتول بارماق‌لاريندا تومورجوقلانان يانيق كرم‌دن خبرسيز.

Read More »

تئلئگراف/ ناصر داوران

تئلئگراف ناصر داوران سونرا بولود چؤكدو قلميمه شعريمين سسي ده‌ييشدي كؤچري قوش‌لار بير داها دؤنمه‌ديلر دفتريمه اينانديرا بيلمه‌ميشديم بئيني سیلاحلي‌لاري. پنجره‌لرينين يادداشي قوش‌سوزلار چيچك‌سيزلر بويلو تورپاغين ديلين باشا دوشمه‌ينلر ياغيشدا يويولموش‌هاواني ياشايا بيلرديلر مي؟ نه دئديم اينانماديلار نه گؤزلريمي نه ياغيشلي گئجه‌نين اينيلتي‌سين. كتابلاريمي اوخوماديلار آنامين اوره‌ك دؤيونتولرين ده. مركزدن گلن تئلئگراف نه دئميشدي يئر به يئر يئرينه يئتيريلدي. سئوگي‌دن ...

Read More »

قافلان پيانيست/ ناصر داوران

قافلان پيانيست ناصر داوران اوره‌ييندن اوره‌ييمه كؤرپو سالير بارماق‌لارين نغمه بويالي چيجك قوخولو سئوگي سوراغلي. نوت‌لار قاطار ـ قاطار چيجك‌له‌نير گؤزلرينين باخچاسيندا. بيرينه پاي دوشور بير قوجاق بيرينه پاي دوشور پاي‌سيزليق. اوي … داغ باشيندا پوسقو قوروب آي‌دان باشقا اوو اوولاماق ايسته‌مه‌ين قافلان چيخيشليم! دانيشاجاق‌مي بير داها چاي‌لارين قيزيل بوغازيندا پيانو دالغاسي؟ تومارلاياجاق‌مي بير داها مئشه‌نين ياشيل‌ليغين «ياشيل ماهني‌لار»؟ هانسي ...

Read More »

بالاش آذراوغلو- انقلاب شاعری/ ناصر داوران

بالاش آذراوغلو- انقلاب شاعری ناصر داوران  ساده‌جه عادی بیر خبر: بالاش آذراوغلو 90 یاشیندا حیاتینی دییشدی. ائله بئله. کیمسه‌نین توکوده ترپنمه‌دی. سسسیزجه‌سینه تورپاغا تاپشیریلدی. مزارلیقدا اوچ جوت بیر تک آدام وارایدی. عؤمرو بویو غربتده یاشامیش بو مغرور چینار غربتده ده حیاتینی دییشدی. فخری خیاوانیندا قویلانسا دا، پرزیدنت و نئچه اونلو آدام حئییف‌سیله‌نرک بیان‌نامه یازسالار دا، سکوتا معروض قالمیش، مدینه قوخولو، ...

Read More »

ترس‌ليك/ ناصر داوران

ترس‌ليك ناصر داوران خوشوما گئتمير زويولگن باخيش‌لارين كؤنولسوز گون‌آيدين‌لاري. سورمه‌لي حياتين ليبرال گؤزلويونده اوشاق سئوگي يابانچي دئمك‌دير آل وئره يارارسيز. يانيق بير باخيشين استقامتسيز‌لييينده قيرجانا قيرجانا ساندويچ يئيير شعيرسيز مكتب‌لرين عاغيللي‌ليغي. ترامواي‌لار سوووشدوقجا وداعلاشير منيمله هله دوغولماميش گونلر. آياغيم يئره تيكيلي دئييلسه‌ده دلي شعيرلر شاعري‌يم.

Read More »

سكسكه/ ناصر داوران

سكسكه/ ناصر داوران اوره‌يين تير ـ تير اسير گؤزونون ايچينده سئوگي‌مي قورخومو يوخسا؟ ياغيش ياغير اوخودوغون ماهني‌لاردا اپريميش شه‌هرين بويالي ويترين‌لرينده ماتيك‌لي محبت ساتيرلار. قانايير آغاج‌لارين ياشيلليغي ايچينده قيلينج اوينادان خزه‌لليكدن. اؤپوشدن دوغان شرابين قاناديندا گلن انسان سوراغلي اسينتي‌لر ايتيب باتير مئشه‌نين اوجقارلارينادك يول آچان گلمه قيزديرمالاردا.

Read More »

قارا باسما/ ناصر داوران

قارا باسما ناصر داوران يورغون ـ آرغين ايچه‌ري گيردي ساچ‌لاريندا ايتيب باتميش اولدوزلو گئجه‌لرين آياق يئري. نه ديندي نه دانيشدي گؤزلري بير كیتاب تيتره‌ك اللري ده. تؤوشه‌ييردي نه‌يين اليندن قاچيرميش سانكي اؤزوندن باشقا آمما كيمسه يوخ‌ايدي هنده‌و‌رينده. بير استكان سو وئريم؟- دئديم، جانينا قورخو دوشوب ائله بيل. ياتاغا گئدنده يیيه‌سيز بير تاپانچا ايزله‌ييردي اونو.

Read More »