شام آغاجی محمد خلیلی آدینی مئشه‌یه دئدیم، باشین ایدی حزین-حزین خزل شعرین اوخشادی. آدینی دنیزه دئدیم، چالخالاندی جانی یاندی گؤز دولوسو آغلادی. آدینی ذیروه‌یه دئدیم، هارای… چکدی دالین غمه سؤیکه‌دی غم یاراسین اوره‌گینده ساخلادی. آدینی گونشه دئدیم، آلوو توتدو غضبلندی سمالاری اوخلادی. آدینی تاریخه یازدیم، هئجالاری شعله چکدی واراق‌لاری اودلادی. قانلی کؤینک قانلی بایراق قهرمان! […]

یارپاقلار سؤندو محمد خلیلی گوندوزلری گئتدی گئجه‌لری گئتدی گلمه‌دی!  دئیه‌سن             ایتیردی                         یول‌لاری بارپاقلار سؤندو زامان سؤندو من سؤندوم. گلمه‌دی! ایسته‌ییردیم دئییم کی –           آخی دنیزلرین قاپیسینی آچ. 12/4/79