رقیه کبیری
قار اوستونده قیرمیزی خال/ رقیه کبیری ۰۹ مهر ۱۳۹۱

قار اوستونده قیرمیزی خال/ رقیه کبیری

قار اوستونده قیرمیزی خال رقیه کبیری هر گئجه کی کیمی‌کیتابلارینی چانتاسینا قویمادان، صاندیخانین دووارینا یاپیشدیردیغی درسلرینین برنامه‌‌سینه باخیب، کیتاب- دفترلرینی بیر به بیر  چانتاسینین ایچینه قویدو.  آناسی¬ایسه صاندیخانین قاپیسینین باغلی تایینی آچیرکن:  « نئیه گئنه کیتابلاری باسدیریسان او چانتایا! شیطان فعهله‌‌سی اولوبسان؟» قیز ایسه صاندیخانین قاپیسینین تایینی قاپاتدی: « بلکه ایندی رادیو دئدی صاباحدان مدرسه‌‌لر […]

زلزله / رقيه كبيري ۱۶ شهریور ۱۳۹۱

زلزله / رقيه كبيري

زلزله رقيه كبيري بئش… اود، سو، تورپاق، هاوا، روح، فیثاغورثین بئش عنصری دئییل گؤزللیک تانریچاسی، ونوسون سیمگه‌سیندن داش دؤرونده داشلارین اوزه‌رینده ، هندسی شکیللردن پنتاگرامدان سؤز آچمیرام لورکا گلمه‌ین ساعاتدان دئمیرم اودون آلوولانان ساعاتیندان سولارین قورودوغو تورپاغین باشلارا الندييي هاوانین اکسیژن‌سیز زامانی روحلارین آوارا قالمیش ساعاتیندان سؤز آچیرام دوخسان بیرینجی گونش ایلینین بئشینجی آییندان اییرمی‌بیرینجی […]

۱۳ مرداد ۱۳۹۱

دیکتاتور اولموشام/ رقیه کبیری

دیکتاتور اولموشام رقیه کبیری آخ…. نه گئجه ایدی، نه گئجه! یالنیز باشیما دونیا منیم ایدی دون گئجه شهوت بارماقلاریمین اوجوندا آغ کاغیذلاری یازیردی دون گئجه کیم ایله سئویشمک کیم ایله دؤیوشمک کیم ایله باریشماق، دیکتاتور اولموشدوم دون گئجه حکم یازیردیم فرمان وئریردیم عاصی کلمه لری توتوقلاییب پاراگرافلارین محبسینه عنادچی کلمه لرین اؤنونده اوچ نوقطه قویوردوم… […]

گئجه نین …/ رقیه کبیری ۲۲ خرداد ۱۳۹۱

گئجه نین …/ رقیه کبیری

گئجه نین … رقیه کبیری گئجه نین دوققوز اوتوزو سویقون وار ایچیمده دوققوز اوتوز بئشده توتوقلانیرام چالیب، چاپدیغیم سئوگینی محکمه یه بیراخیرام سویقونچو من حاکیم من تک باشینا قاضی اؤنونده یم… ساعاتین اون بیر اوتوزو اعتراف ائدن من اؤزومو ساووروب، سووران من یالنیزلیغا محکوم اولان من تیق…تیق…تیق… قاضی ماساسیندا اون ایکی دنگه سیز تیققیلتی آدسیز […]

اکسازپام لی گئجه لر! / رقیه کبیری ۱۲ فروردین ۱۳۹۱

اکسازپام لی گئجه لر! / رقیه کبیری

اکسازپام لی گئجه لر! رقیه کبیری یول چکیر گؤزلریم … دویونله میر کیپریکلریمی  دمیر قاپینین آزغین باجاسی قارالیر قارا قوماشلی گؤز اورتویو. الیمدن توتماییب گئجه مین قاراوولو شرفلی اینسان دیر ! یاریم مئتیرلیک کندیر مسافه دیر آرامیزدا. آیاقلاریم دولاشیر یئریشیمه … توستاغین دالانلاری دولان با دولان قارا گیله لریم آغاریر اؤنومده کی دوواری . ایلدیریم […]

قمر / رقیه کبیری ۲۲ بهمن ۱۳۹۰

قمر / رقیه کبیری

قمر رقیه کبیری ـ «قمر!… قمر!… قمر!…» “قمر” دهلیزین قارانلیغیندا بیر بوجاغا سیغیشیب، دیزلرینی قوجاقلاییب. اؤنونده‌کی قارین وئرمیش شئهلی، نمیش‌لی دووار، سانکی سینما پرده‌سی‌‌دیر؛ اوزاق‌لاری سئیر ائدیر… کیشی اللری بئلینده، ایتییی ایتمیش کیمی، حیطین بویوندا وار-گل ائدیر. گوللو قوناق اوتاغیندا سیزیلداییر. زاریلداییر. قمر اکیزتایی اوغلانلاری پیلله‌کان اوستونده اوتوردوب، نوبه‌ایله قاشیق- قاشیق یئمک یئدیردیر. کیشی نین […]

كؤله / رقیه کبیری ۲۲ آذر ۱۳۹۰

كؤله / رقیه کبیری

كؤله رقیه کبیری ساعاتين زنگي دورمادان چالير. سانكي ماشين سيقنالي‌دير. ديت- ديت…ديت- ديت…ديت- ديت… اليمي اوزالديرام، ساعاتين زنگيني سؤندوروم. اليم يئتيشمير. يئريمدن قالخيب اوتورورام.  گئرده‌ك گئجه‌سينده يالنيز اويموش گلين كيمي حاليم وار.  آغ- آپباغ گئجه‌لييمين دويمه‌لري آچيقدير. نه زامان آچيليب، بيلميرم. كؤكسوم اوشويور. جانيم گيزيلده‌يير. يئني‌دن اليمي اوزالديرام،  كيتابخانامداكي سيقنال سسيني يامسيلايان ساعاتين زنگيني سؤندورورم. […]

نرودا / رقیه کبیری ۰۵ آذر ۱۳۹۰

نرودا / رقیه کبیری

چؤره یینی مندن آلیرسان آل هاوانی مندن آلیرسان آل یالنیز گولوشلرینی مندن آلما پابلو نرودا نرودا رقیه کبیری نرودا … نروداا… نروداااااا…. ائشیدیرسن عوصیان بوغازیمی ایسلاق سسیمی‌!؟ بیر چکیم نفس یالنیز بیر چکیم نفس‌هاوالانیر بیزیم یئرلرده گولوش لریمی‌گئری ایسته ییرم قایتار! سن شیلی دن سورگون گئده لی ایتالیان آدالاریندا ساواشیب،سئویشنده دوداق-دوداق اونوتدوم گولوشلریمی نروداااا… جانیم […]