Home / ترجومه‌ / شعر / زینب فرجی – چئویرن: سوسن نواده‌رضی

شعر / زینب فرجی – چئویرن: سوسن نواده‌رضی

شعر
زینب فرجی
چئویرن: سوسن نواده‌رضی

ایستیرم ال-آیاق‌سیز گیج آدام‌لاری
قانادسیز کپنک‌لر یئرینه قویام
باشماق‌لارین گؤتوروب، دوز سینیق سینه‌لرینی نیشان آلام.

قیزیمی‌زینداندا دوغدوم
یئددی قولو دوغان اینه‌ییمیز کیمی
اوغلومو سئومک سوچوندان، پولسوزلوقدان کلانتری‌ده ساخلاییب‌لار
اوغولومون سوچو یوخدور
سوچلو منم کی،
عبدالقادر مراغی مئیدانیندا
بیر یارالی گول داها، دفتریمده‌کی قوروموش گول‌لره آرتیردیم.

بو گئجه،
دونیادا هر نه آغاج وار بیزه باغلی‌دیر
بو هنده ورده، هر نه خسته‌خانا و یارا چسب وار
سیزه باغلی دیر، آتا
ایچیندن سئوگی چایی آخان بو کولونگو ائوه هئچ دوشونموسن می؟
کرخانانین آتیق‌لارینین تؤکولدویو یئرده اولان کؤک‌لره
اوره‌ییم یانیر
آنجاق بیز سو ایچمیریک
بو آپارتمان‌دان تازا داشینان بؤیوک بؤیوک آنامیز
سو تانریچاسی ایدی

منم سیاوش، پهلوان روستم-ین خالوغلوسو.
سؤهراب دوستوموزدور،
قراردیر اوینادیغی رول-دا اؤلدورولمه‌سین.
اؤزوزو سئحیرلی چیراغین دئوی تصور ائلیه‌ بیلرسیز
سونرا اؤزوز یاشامیمیزدان چیخیب گئدین
ائشیگه!

منیم دوغا بیلمه‌یه‌جه‌ییم او اؤزل گونو گؤره‌جکسیز می؟
بالاجا سئرچه‌یه بنزه‌ین خالا گلینیمه
دن وئریم می؟
شهرین او تاییندا بیله‌سینه یووا تیکیم می؟
بیلمیرم…
هاوا بولودلوق دور
باجیم ایسه، اولمایان آلی‌لاریمیزلا اویناییر.

باخ!
یارین جمعه‌دیر
قاطاری ساخلاتمالی‌ییق
فداکار اولمالی‌ییق
دهقان اولمالی‌ییق
و استخدام قوشول‌لاریمیزدان راضی اولمالی‌ییق
یاغیش صندل اوستونه اوتوروب
بویورون سیچان داواسی!
جانیزا سینسین، گوارای وجودونوز اولسون کی،
قوزالارینیزی سویوندونوز!

About ایشیق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *