sharak_2
غزه
محمدحسین طهماسب‌پور(شهرک)

اودون قويان كيمدير، اود ووران كيمدير
آنجاق اود ايچينده يانيرسان غزه!
يايين ايستي‌سينده برقين، سويون يوخ
قيشين شاختاسيندا دونورسان غزه!

نه وقت آبادلاشار ويرانه‌لرين
ياندي عاشیقلرين، ديوانه‌لرين
جان وئريب سئوگيلي پروانه‌لرين
شمع تك ارييب سؤنورسن غزه!
اود آلو ايچينده يانيرسان غزه!

داغ ـ دره‌ن قدغن، هاوان قدغن
درمانين قدغن، داوان قدغن
فريادين قدغن، دعان قدغن
كؤزه‌ريرسن كوله دؤنورسن غزه!
اود آلو ايچينده يانيرسان غزه!

باغلانيب نامردجه سو، چؤره‌ك يولون
آياغين كونده‌لي، باغلي‌دير قولون
كسيرلر باشيني، كسيرلر ديلين ـ
اگر ديلله‌نيرسن دينيرسن غزه!
اود آلو ايچينده يانيرسان غزه!

نيازيوا نئجه يول تاپسين كؤمك
سنه سؤز نه لازم، شعار نه گره‌ك
آنادان مهربان دايه‌نه دئمك
هاميدان ياخشي سن قانيرسان غزه!
اود آلو ايچينده يانيرسان غزه!

بيلميرسن آي، گونون، ايلين هاردادي
لبنانين، ميصيرين، نيلين هاردادي
هاردا او ميلياردي ائلين هاردادي
تاپدانيب، يونتانيب سينيرسان غزه!
اود آلو ايچينده يانيرسان غزه!

آللاه آدام اولار نه وقت بو بشر
هاچان آيدينلاشار خييريله شر
نه وقت انسان حقلي انسان تك ياشار
هاچان حقوقونا دؤنورسن غزه!
ود آلو ايچينده يانيرسان غزه!

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4