قارانقوشلارین اوره‌ک یاغی
مسعود آذر
داملا داملا اریییب
آخیریق اوجاق اوسته.
یاخشی باخین،
بو اوجاغین داشیندا کی
سیلینمز ایز،
لکه دئییل.
بو یاغ ایزلری،
جیلیز بیر عاشیق انسانین
اوره‌یی نین،
بلکه‌ده،
سوموک‌لری نین یاغی‌دیر.
واختی ایله بو یاغ‌دان
اوجاغیمیز ایسینیب،
چراغیمیز ایشیقلانمیش.
بوگون اوجاق باشینا
ییغیشان باهادورلار،
بو اوجالان شعله‌لرده
بو آلوولانان آتشده
کؤچن،
تانیلماز،
قارانقوشلاریندا
پایی وار.
فروردین ۹۱
