چئویرن: کیان خیاو
ترجمه: کیان خیاو
کیان خیاو

بیر داها
کیان خیاو

بیر داها یئر اوزونه گلمه یه جه ییک
بیر داها تورپاق آلتینا گئتمه یه جه ییک
لاپ بئله مزارلیقلارین یوخاری باشی اولسون!
بیر داها…

بیر داها او بیر داهاسی اولمایانلار
بیزی یاراتمایا‌جاقلار
دوغمایا‌جاق
دوغوزدورمایا‌جاقلار.
بیر داها…

بیر داها قادینجاسینا دهریمیز پارلامایا‌جاق
بیر داها ائرککجه ‌سینه کؤنلوموز تالانمایا‌جاق
بیر داها تویدا آغلاییب
یاس بویو گولمه یه جه ییک
اسکی قیزلاری
اسکی قیمیزلاری بیزیم اولسادا بئله.
بیر داها…

نه کؤینه ییمیزه بیر آغ
نه کؤکسوموزه بیر قارا دوشه‌جک.
نه “هه”ییمیز
نه “یوخ”وموز
بونجا سورولمایا‌جاق.
نه ده…

بیر داها اولمایاجاغیق بورا‌لاردا
بیر داها اولمایاجاغیق اورا‌لاردا
بیر داها اولمایاجاغیق
اورا‌سیز- بورا‌سیزلاردا.
بیر داها اولمایاجاغیق
هپ اولمادیغیمیز کیمی.

نئیله ریکده
قان-قیزیل بیر سؤزجویه بئله دؤنمزسه
تیکان تاجیمیزدان اؤپن دوداقلار؟
نئیله ریکده
او کؤلگه‌میزدن دانیشان آینا‌لار
دویمازسا‌لار گونشین گئرچکلییینی بیرداها؟…

شهریورآیی۱۳۸۹

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بیر داها / کیان خیاو

کیان خیاو
www.ishiq.net

آذربایجان ادبیات و اینجه‌صنعت سایتی

بیر داها / کیان خیاو

کیان خیاو
www.ishiq.net

آذربایجان ادبیات و اینجه‌صنعت سایتی

بیر داها / کیان خیاو

کیان خیاو
www.ishiq.net

آذربایجان ادبیات و اینجه‌صنعت سایتی