باشلانقیج بیر نوقطه‌دیر
بهروز اسماعیل‌زاده
باشلانقیج بیر نوقطه‌دیر
قورتولوش ایسه
نوقطه‌نی قویماق ایچین بیر قورشون
قارالاماغا دیمز بو کاغاذ
هانکی اوزونو چئویرسن عئینی قاراباسان
عئینی آدین دالیندا کؤلگه‌له‌نن بیر یاشام
سیس ده بئله سوووووس دئیه‌جک سن ایچین‌له باش باشا قالان اؤز قییم سانجی‌سینا
گل اؤلوم گول
گول اؤلوم گل
هانکی آغزیدا گولله آچاجاقدیر بو ماهنی؟
هانکی دوداغدا دوراقلاناجاق‌دیر بو قورشون؟
سس وئر سؤز وئریم
سؤز وئر سیس ده سوسوم
اوره‌ییمده کی اینتیحار آغاجینی سووارماقدان یورولدوم
بیر آز دا سن بئجر بونو ااای ی ی ی ی
باشلانقیجی قان ایله قورودوب
قورتولوشو جهننمه قدر یولون وار جومله‌سی ایله قورتاران
یک پاسخ
سلاملار. چوخ گؤزل و آنلاملی.اوغورلار اولسون.