Home / شعر / قار چیچه‌یی/ رقیه علی‌قلیان(لاله)

قار چیچه‌یی/ رقیه علی‌قلیان(لاله)

rugeyye ali guliyan
قار چیچه‌یی
رقیه علی‌قلیان(لاله)

بو اثری سونورام بایرام باخیشلی، یاز نفسلی دوستلاریما

بئش گونلوک یاشاییش بیر دنیز تکین
جومارکن ایچینه خفه‌لنمیشم.
دالغالار قوزاییب چیرپیبدیر یئره
هر اِنیش یوخوشا بویون اَیمیشم.

آنام تک داغلارین یاماجلاریندان
جوشار چشمه‌لرین سوتون اَممیشم.
باشیما اَله‌نیب یاغیش‌لار، قارلار
ایسلانان کؤینگیم گونه سرمیشم.

کؤکوم توپراقدادیر، باشیم‌هاوادا
آلولار یوردونا قوناق گلمیشم.
یاپیشیب اَلیمدن گونش‌له یاغیش
بوی آتیب توپراقدان من جوجرمیشم.
27/1/93

About ایشیق

One comment

  1. اللریزه ساغلیق، چوخ گوزل…اؤره یین کیمی

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *