چئویرن: ایشیق
ترجمه: ایشیق
ایشیق

hasan safooraقوجالمیش قوچاقلیق
حسن صفورا

” آراز فنی” اوچون.

دئییر:
-سن دئه من دئییم-
یامان قوجالیب منیم قوچاق دوستوم؛
سؤز آغزیندان قاچیر اویان- بویانا،
دیشلری اؤز یئرینده دایانمیر؛
بالیق کیمی
چوخ اوزاقدان گلیر سسی…!

سورگون دوشنده
آت‌لار یورغونویدو منیم یئرلیم،
ایندیسه
دونیانی تربه‌دن اوغلان
ترپه‌ننمیر اؤز باشماقلاریندا…!

دئییرلر
وطنسیز انسان تئز قوجالیر،
تئز دوشور ایاقدان؛
دئییرم بلکه یول‌لار آچیلدی
یئنه جاوان اولدون بو داغلاردا:
میشوودا
قارا داغدا،
بلکه‌ده کامتال‌دا یئنه گؤردوک اوولاری-
کئفله‌نیب‌لر باهاردا؛
بیرده چاخیرلاشدیق،-
های سالدیق بو قارلی داغلاردا:
آی ی ی ی …. !
بیز سئویریک بو چؤل‌لری،
بو داغلاری،
سیزی،
بیرده یول‌لاری…!

دئییرم:
بلکه یول‌لار آچیلدی
بیرده قوجاقلاشدیق بو داغلاردا،
بیرده چالیب، اوینادیق بو دره‌لرده
بیرده توی توتدوق قیزلارا،
نوه‌لره …!

سن دیری سن
من‌ده دیری؛
ائل‌لر
هله‌ده سورور قوزونو،
قوودورور آتینی؛
بلکه
بیرده قوودوردوق بیزده آت‌لاری!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

قوجالمیش قوچاقلیق / حسن صفورا

ایشیق
www.ishiq.net

آذربایجان ادبیات و اینجه‌صنعت سایتی

قوجالمیش قوچاقلیق / حسن صفورا

ایشیق
www.ishiq.net

آذربایجان ادبیات و اینجه‌صنعت سایتی

قوجالمیش قوچاقلیق / حسن صفورا

ایشیق
www.ishiq.net

آذربایجان ادبیات و اینجه‌صنعت سایتی