چئویرن: ایشیق
ترجمه: ایشیق
ایشیق

negar
اورمو گؤلو
نیگار خیاوی

اورمونون شاعیر گؤلونه سونولور!

(۱)

اوزانمیشام اوزو قیبلایا

قلبیمده گؤینه‌شیر گونش، آی، اولدوز،

بیر اوقیانوسجا گؤلون گؤیلو قیر- قیرا دوز

و اؤلوم زیغلی اَینیمده بوز(boz) بیر بولوز

 (۲)

تئز گتیر اؤزونو آلمالارین آلنینا

تئز یئتیر الینی دالغامین آریقلامیش اوچوغونا

گل ده اوز به اوز اَیلش اوزومون گیله‌سیله

هانی بال بولودلار       هانی بس گونش

هانی گونشین گوناهی بلکه من ایدیم و بو دوزلار، بو دوزلو اولدوزلار

یا تبریزدن آخینان او سالخیم یاشلی گؤزلر

“دئه کیمی گؤزلر        او قارا گؤزلر      آی قارا گیلم!”

 (۳)

گئتمه گیلم! اؤلور گؤیلومون بالیغی دؤنورم قوراقلیغا

گئن گلیر دالغامین اَینینه هؤنکورتومون قالیغی … گئتمه!

آغزیمدا هارای لاختاسی، بوغازیمدا اوقیانوس بیریسی

گئدیر ال -اله نه گؤزل سئوگیلیسیله ایکیسی

وئر بیر-ایکی قورتوم او زهریماردان

قوی قورتاریم اؤلومدن گؤم-گؤی

بولوددان یوخسون بو پلتک گؤی

بولودلاری باشیمدا لاجیوردی بال

بالدیری آغاپپاق ملک، باشیندا شال

باس قوینونا دیلقمی چال  نه حال   نه حال  نه حال

(۴)

اییرمی‌بیر چایین کوشورتوسو آغلیمدا

آغ  بیر آغلاشمانین اوغولتوسو ساچیمدا

و تانرینین الی چنه‌سینین آلتیندا

یا چیرمالانیب سوخولور گؤبه‌ییمه

یا سوچلو بیرین آراییر

کی بوینوم آسیلیر بیرجه اینجه داماردان

یا «راستا کوچه»‌ده

صف چکیر  آستا –آستا بوینو یوغون کلاشینکوفلار

آه منیم شیریم- شیرناق شپه‌لریم

آه منیم ساحیللریم…

گئری –گئری ایره‌لی گئدن اللریم

گئتمه، ال-اله گئدک منی

گئتمه قورتاراق منی بو شعرین الیندن

گئتمه، گئدک…

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اورمو گؤلو/ نیگار خیاوی

ایشیق
www.ishiq.net

آذربایجان ادبیات و اینجه‌صنعت سایتی

اورمو گؤلو/ نیگار خیاوی

ایشیق
www.ishiq.net

آذربایجان ادبیات و اینجه‌صنعت سایتی

اورمو گؤلو/ نیگار خیاوی

ایشیق
www.ishiq.net

آذربایجان ادبیات و اینجه‌صنعت سایتی