چئویرن: کریم گول‌اندام
ترجمه: کریم گول‌اندام
کریم گول‌اندام

اوجاغی پوفله‌مکدن گؤزلریمیز کور اولدو!

سونوندا بیر آش بیشدی، آمما یامان شور اولدو!

دئدیک آغ گونه چیخدیق سما درین، سو سرین !

شاختا وورروب سو دوندو، آیدین سما  مور اولدو!

باغلی  کوپه  وئردیلر‌ زحمتیمیز  یئرینه،

بال ساندیق سیرکه چیخدی!، یاغ ،تینجیخمیش  شور اولدو!

 حاققین تره‌زیسیندن اوما‌جاق یئرسیز ایمیش

حاققیمیز یاغمالاندی، جاوابیمیز  زور اولدو!

 دئدی‌لر بو دنیزده هر بالیق اؤزگور اوزر،

هر طرفه اوز توتدوق، مین بیر -ایکی تور اولدو!

دم یئرینی غم  توتدو، اؤلوم حیاتی اوددو،

دئدیم کی، چوبان قورددو!،دئدیگیم سانسور اولدو!!

کیمی قاچدی ائویند‌ن کیمی یاتدی ائوینده !!

 کیمین منزیلی غوربت، کیمین ائوی گور اولدو !

آتا‌لار  سؤیله‌میشکن “بولانماسا  دورولماز”

نه بیر باشا بولاندی، نه بیر دفعه دورو اولدو

کؤرپه‌لر دیل آچمامیش، درد ایله اولدو تانیش!

نسیلیمیزین داستانی عالمده مشهور اولدو!

اورمو ۱۳۹۲

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

نسلیمیزین‌داستانی

کریم گول‌اندام
www.ishiq.net

آذربایجان ادبیات و اینجه‌صنعت سایتی

نسلیمیزین‌داستانی

کریم گول‌اندام
www.ishiq.net

آذربایجان ادبیات و اینجه‌صنعت سایتی

نسلیمیزین‌داستانی

کریم گول‌اندام
www.ishiq.net

آذربایجان ادبیات و اینجه‌صنعت سایتی