ساری گلین
حسن اؤزگور
آخشام اوستو سسلر دیندی،
هاوانین رنگی سیلیندی،
اؤلوم آستا یئره ائندی
داغ قیزی نین توتدو الین،
سوزدو گئتدی ساری گلین.
×××
بیر تومورجوق یاریم قالدی،
یاس می؟ توی می؟ سس اوجالدی،
خزان یئلی سازین چالدی
بو گوروش سون گوروش گلین،
سوزدو گئتدی ساری گلین.
×××
زیروه لردن دوشه دوشدو،
خیال کیمی گلدی کئشدی،
هله ساچین هؤرمه میشدی
تاپشیردی یئل لره تئلین،
سوزدو گئتدی ساری گلین.
یک پاسخ
ساغ اول شاعیر ساری گلین شعری ، چوخ گؤزل اثردیر. بو شعر قه لیبی ایسه داها گؤزل . اومورام کی بوکیمی داهادا شعرلرینیزی ” ایشیق ” دا اوخویا بیلک. سایت دان دا بو کیمی اثرلری بیزه چاتدیر ماقدان دولایی تشککور ائدیرم / ائل اوغلو