rugayye kabiri
بو گئجه…
رقیه کبیری

 بو گئجه…

تبریزین یئری یام- یاشیل

داغی قیپ- قیرمیزی

باشی دومانلی

قالاسینین بئلی سینمیش

گؤی

داغیلمیش پازل دی قارا قویونلولارین مچیدینده

کؤرپه‌سی دوغولدوغوندا اؤلموش آنانین

دؤشلری دیر بولودلار

دامار- دامار

سیزیم- سیزیم آنالیغین اوجقاریندان سیزیز آرخالیغینا

آرخایینلیغینا…

بو گئجه

یئددی آرخام بیر یئرده

بیر ساعات دا

بیر ثانیه ده اؤلوب

سیغینمیشام گئجه‌نین قوجاغینا

یایلیغیمین اوجو ایسلانمیش….

92.1.29