چئویرن: ایشیق
ترجمه: ایشیق
ایشیق

ulker
سندن سورگونم
اولکر اوجقار

سندن سورگونم

اللریندن سورگون

اللرینه یاساق

قوربتده چیخاجاق جانیم

قریبسه‌یه‌جک دامارلاریمدا

                 داملا داملا داریخان

                           قان فیشقیراغی

و گونده

                بیر دقیقه

                         ساچلاریم قارایا چالاجاق

سندن سورگونم

کؤکسوندن سورگون

کؤکسونه یاساق

باغرینا یاساق

قوینونا یاساق

اتیم یوللارین سوموکلریم سنین

اتیم جاوانلیغیمین جسارتسیز آرزولاری‌نین

                                             سوموکلریم سنین

اتیم منی ایچدن بوداماق ایسته‌ین

 بو ناققا بالیغین

            سوموکلریم…

داش کیمی آغیرلاشاجاق سوموکلریم

و داش کیمی هامی‌نین اولاجاق

            نه اییه‌لنمه‌یه گرکه‌جک

                                               نه ائوه آپارماغا

داش کیمی یوغرولوب دا برکییه‌جک

برکیییب

آغیر-آغیر باخاجاق دونیانین اوزونه

               سنین بو سوموکلر

           سنین

                    اونوتدوغونو اونوتماغا چالیشدیغین

                     بو سوموکلر

و ایچلرینده‌کی دوستاق آل آروادی.

ایندی

 یامان

چؤل-باییردا اووچولاری باغریما باسیب

کؤرپه‌لری چالماغیم گلیر

ایندی

سندن سورگونم

سوموکلریم ایسه

        هله ده

              سوموک.

 ۹۰.۶.۲۶

چاپ

3 پاسخ

  1. “کونول”
    دیل بیلن سوز آنلایان بیر نازلی یار ایسته ر کونول

    لاله دن گول دن گوزل بیر نوبهار ایسته ر کونول

    اعتیبارین گورمه یینجه سئومه رم بیر دیلبری

    نازنین مه پاره لردن اعتیبار ایسته ر کونول

    هر قارا زولفون اسیری اولمارام بوندان سورا

    ایندی عالم اوزگه دیر خوش روزیگار ایسته ر کونول

    اوینایوب گولمه ک دانیشماق عیش و نوش ایامیدیر

    بولبول شیدا کیمی مین لاله زار ایسته ر کونول

    هر طرف گول دیر چیچک دیر بویله آزاد اولکه میز

    دائم اوز خوشبخت خلقین بختیار ایسته ر کونول

    بیز سووه ت خلقین حقیقت له سئوه ن عاشیق له ریک

    خائنی ادنانی یوردومنان کنار ایسته ر کونول

    بختور “واحد” او کس لردیر بو خوش عالم ده دیر

    هر زامان بو شن حیاتی پایدار ایسته ر کونول!

    علی آقا واحد

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

سندن سورگونم/ اولکر اوجقار

ایشیق
www.ishiq.net

آذربایجان ادبیات و اینجه‌صنعت سایتی

سندن سورگونم/ اولکر اوجقار

ایشیق
www.ishiq.net

آذربایجان ادبیات و اینجه‌صنعت سایتی

سندن سورگونم/ اولکر اوجقار

ایشیق
www.ishiq.net

آذربایجان ادبیات و اینجه‌صنعت سایتی