چئویرن: مقصود تقی‌زاده هریس (نیسگیل)
ترجمه: مقصود تقی‌زاده هریس (نیسگیل)
مقصود تقی‌زاده هریس (نیسگیل)

nisgil1
داغلاردا
مقصود تقی زاده هریس(نیسگیل)

 ایسته رم یازدا دومان تک سورونم داغلاردا

دولا یارپیزلارین عطری‌یله سینم داغلاردا

دؤرد دووارلار منی داشلار تک آغیرلاشدیردی

ایسته‌رم بیر دلی توفانه دؤنم داغلاردا

دنیزی، اورمانی یئللر قانادیندا سوووشام

آغ بولودلار کیمی سسسیزجه ائنم داغلاردا

بیر حزین ناله اولارکن ایلیشم ساز تئلینه

ساز دیلی ایله دانیشام چؤلده، دینم داغلاردا

بو تمددون گتیرن ساختا گؤزللیک‌له یادام

نئیله ییم کی منی دوغموشدو ننم داغلاردا

سیلدیریملی دره لر خلوتینین باغریندا-

یازدا جینگیلده سه بیر سس، او منم داغلاردا

بو سویوق قانلی آداملار منی بوز تک اوشودور

قیش دا اولسا گئدیرم بیر ایسینم داغلاردا

عؤمرومون سون گئجه‌سی زیروه‌ده کاش بیر اود اولام

سونرا اوچ داشلی اوجاقلاردا سؤنم داغلاردا…

مقصود تقی‌زاده هریس (نیسگیل)
مقصود تقی‌زاده هریس (نیسگیل)
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

داغلاردا/ مقصود تقی زاده هریس(نیسگیل)

مقصود تقی‌زاده هریس (نیسگیل)
www.ishiq.net

آذربایجان ادبیات و اینجه‌صنعت سایتی

داغلاردا/ مقصود تقی زاده هریس(نیسگیل)

مقصود تقی‌زاده هریس (نیسگیل)
www.ishiq.net

آذربایجان ادبیات و اینجه‌صنعت سایتی

داغلاردا/ مقصود تقی زاده هریس(نیسگیل)

مقصود تقی‌زاده هریس (نیسگیل)
www.ishiq.net

آذربایجان ادبیات و اینجه‌صنعت سایتی