آیاغیم اویناییر دموکراسی‌یه….
رقیه کبیری
اینسانلیغین هر قولوندان آسیلمیش،
دیکتاتور اوره‌یی‌له
دموکرات آدام!
اؤزگورلوک،
دموکراسی‌نین گؤزه تَپیلَن
آغیز دولدوران قولو…
اوره‌ییمی اوووجومدا سیخیرام
اؤزومه قیمت وئریرم
دیلیم،
دادینا تامارزی
سؤز- سؤز فلسفه دوزورم
دیلیمه، دیل تؤکورم
گؤزومون قوردونو اؤلدورورَم
عاغلیم کسمه‌سه ده
الیم چالیر
آیاغیم اویناییر دموکراسی یه….
بهمن- ۱۳۹۱
2 پاسخ
جناب موحد
دئموکراسی هم اسکی یوناندا و هم یئنی باتی آوروپادا و قوزئی آمریکادا…فلسفه نن چییین چییینه یارانیب و دوغولوبلار
اسکی یوناندا دموکراسی له فلسفه قوشادیر سونرا ایسکندر آتنی آلیر مستعمره ائدیر هم فلسفه و هم دئموکراسی آرادان گئدیر
اوروپادادا ۱۶-۱۷ عصیردن بو اله فلسفه او یئرلرده دیرچه لیرکی دئموکراسی دیرچه لیر
من بولاری ائکیز تایی بیلیرم: فلسفه تنقیدی بیر یؤنتم آنلامیندا و دئموکراسیده بیر ایداره یؤنتمی آنلامیندا
سائین شاعرئیمیز کبیری خانیم حتما” بیلیرسینیز دموکراسی فلسفه اولماقدان اونجه بیر یولدی، روش دی.آستا آستا ئوره نملی وئوره تملی ائیک.یوخسا بیرگون گورریک دموکراسی پرچمی آلتیندا ،نفسه لری سینه ده حبس ائلیین ائدئولوگیا لارا دوچار اولموشوق.سایغی لار