۱
کوچه‌نیزی سالاملاییر آیاقلاریم
باخیشلاریم پنجره‌نیزی؛
سسیم
داغلارا دوشور سانکی!…
۲
ساحیل‌دن بویلانیر یاشلی باخیشلار
دالغالاردا چیخیر،
ایتیر
سنسیزلیک!…
۳
دویونجا وداعلاشمادیق، گئتدین
گؤزدن ایتدین؛
باخیشلاریم
یییه‌سیز پالتارکیمین
آسیلی قالدی-
پنجره‌نین میخیندان!…
۴
گؤزلریمده
ساپ – ساری سولدو باخیشلاریم؛
گؤزلریمدن
یارپاق- یارپاق قوپدو گؤز یاشلاریم؛
پاییزدیر!…
۵
گئدیرم
اؤنومده سنسیزلیک
آرخامدا حسرت ایزلری
بلکه
داها قاییتمادیم!…
