چئویرن: ایشیق
ترجمه: ایشیق
ایشیق

یوخودا گؤروشک
توحید نامور (آدلیم)

اوره‌ییم دؤزمه‌ییب یولا چیخدی، گل!
نییه گلمه‌ییرسن؟ یول آچیقدی گل!
یوخوم داغ باشیندا آلاچیقدی گل-
گئجه‌لر یوخودا گؤروشک باری!

گؤینتدی باغرینی ایزیم یوللارین،
سارالدی آغیندا گؤزوم یوللارین،
اولمادی قووشاغی بیزیم یوللارین،
گئجه‌لر یوخودا گؤروشک باری!

یوخولار دئییل‌کی دره قورخاسان،
بیر ایت یوخ اوستونه هوره قورخاسان،
آدام یوخ غفیلدن گؤره قورخاسان،
گئجه‌لر یوخودا گؤروشک باری!

بو گئجه یوخودا بیر آه چکمیشم،
گل آهدان من سنه یولاق چکمیشم،
کؤهنه خاطیره‌دن آراق چکمیشم،
گئجه‌لر یوخودا گؤروشک باری!

سئوگیلیم هر شئیی خئییره یوزاق:
دونیادا نه درد وار، نه هیجران نه داغ؛
حیاتی آلداداق٬ حیاتدان اوزاق-
گئجه‌لر یوخودا گؤروشک باری!

گئجه‌لر یوخودا یوخو یاتمایاق،
گئجه‌لر بیر داستان اوخو یاتمایاق،
گئجه‌لر شهری یوخودا قویاق،
گئجه‌لر یوخودا گؤروشک باری!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

یوخودا گؤروشک / توحید نامور (آدلیم)

ایشیق
www.ishiq.net

آذربایجان ادبیات و اینجه‌صنعت سایتی

یوخودا گؤروشک / توحید نامور (آدلیم)

ایشیق
www.ishiq.net

آذربایجان ادبیات و اینجه‌صنعت سایتی

یوخودا گؤروشک / توحید نامور (آدلیم)

ایشیق
www.ishiq.net

آذربایجان ادبیات و اینجه‌صنعت سایتی