چئویرن: نیگار خیاوی
ترجمه: نیگار خیاوی
نیگار خیاوی

کیم آناجاق فریدونو؟
نیگار خیاوی

(۲۱ -ینجی گونون آلتمیش آلتینجی ایل دؤنومو)

قان قان دئین بیر پاییزین سحرینده
هانسی آنا، هانسی باجی یولاجاقدیر ساچلارینی؟
کیم آناجاق فریدونو؟
جلاد گلیب دیشلرینی قیجیراندا
شاقراق دوروب، کئچدی آینا قاباغینا
گردگینه گئدن بگ تک سینه گَردی
سیغاللاییب گنج تئلینه داراق چکدی
سهمانلاییب یاخاسینی، اوره‌یینه چیچک اکدی
گئییندی آغ کؤینه‌یینی قیرمیزی بیر فوقول تاخدی
نعره تپیب قیها چکدی:
اؤلومدور بو یولون سونو
بو یول منیم، بو یول سنین، بو یول بیزیم وطن یولو
بو یول بیزی بیز ائیله‌ین نفس یولو

سلاملادی دار آغاجین، علیک آلدی اؤز آدینا
وولکان چاخدی نفسیندن، واردی گؤروش قرارینا
بگ گئییملی ایگید بوینو اَییلمه‌دی
دار آغاجی اوتانجیندان یاشیللاندی
بگ اوتاغی قیها چکیب قیفیللاندی

هانی بوگون آغیرلاییب بیلن اونو
هانی بوگون بو تورپاغین فریدونو؟

شکیلین ایضاحی: فریدون ابراهیمی‌نین اوغلو «فرهاد ابراهیمی» حیات یولداشی «بهدخت خانیم رشدیه»ایله. فرهاد آتاسی دارا چکیلنده ۴۰ گونلوک‌ایمیش. شکیل جناب «محمدعلی جدیدالاسلام»ین اینستاگرام صحیفه‌سیندن آلینیبدیر.

چاپ

یک پاسخ

  1. ای آذر بایجان ! سنین کئچمیشینی واراقلادیقجان
    یازینجیرگؤرونور ، یا قانلی عوصیان. ( بولود قارا چورلو. «سهند» )

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

کیم آناجاق فریدونو؟ / نیگار خیاوی

نیگار خیاوی
www.ishiq.net

آذربایجان ادبیات و اینجه‌صنعت سایتی

کیم آناجاق فریدونو؟ / نیگار خیاوی

نیگار خیاوی
www.ishiq.net

آذربایجان ادبیات و اینجه‌صنعت سایتی

کیم آناجاق فریدونو؟ / نیگار خیاوی

نیگار خیاوی
www.ishiq.net

آذربایجان ادبیات و اینجه‌صنعت سایتی