سنه نه وارکی!
حامد بابایی (دالغا)

قارتیمیش فیکریمین خیالیندایام،
نه اولور قوی اولسون، سنه نه وارکی!
چورودوم وطنین دردین چکمه‌دن؛
نه اولور قوی اولسون، سنه نه وارکی!

دونیانین اَن بؤیوک دردی منم من،
دردلری چکمه‌دن چارپازدیر سینه‌م.
بیلیرم اودلانیب، اوچوبدور بینه‌م
نه اولور قوی اولسون، سنه نه وارکی!

اینسانلار اودلانسین، اینسانلیق یانسین
ائولادلار آتاسین، آناسین دانسین
گؤره‌سن بیری وار دردیمی قانسین؟
نه اولور قوی اولسون، سنه نه وارکی!

پاسخی بگذارید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایشیق درگیسی، سایی 1
ایشیق درگیسی، سایی 2
ایشیق درگیسی، سایی 3
ایشیق درگیسی، سایی 4