چئویرن: رضا سلطانوند
ترجمه: رضا سلطانوند
رضا سلطانوند

ظلماتدا داش واردی…
رضا سلطانوند

هئچ ایت ده هورموردو
هر شئی سوسموشدو
یئر، گوی؛
قولاق‌لار ونگیلده‌ییردی؛
یئره باخسایدین
گؤز گؤزو گؤرموردو،
گؤیه باخسایدین
اولدوزلار ارییب تؤکولوردو.
هئچ بیلینمه‌دی بو سکوت نه‌دن اولدو؛
دئدیلر: «ظلماتدا بیر داش وار گؤتورن ده پئشماندی قویان دا»
قارا چوخا گلیب چیخمادی…،
چیخمادی!

هئچ ایت ده هورموردو
یول‌لار دا ال‌لر کیمی قابار تؤکموشدو.
بئیین‌لر پوچا چیخمیش،
پیچیلتی‌لار داها ائشیدیلمیردی.
هر شئی اؤز ذاتینا دال چؤندریردی،
دریالار دالغاسینا اینانمیردی.
اوزاقدا  هاوانین قییلتیسی
درین کؤهوللرده
آدامین قوپالاغین گؤتورن اینیلتی سسی.
یئره باخسایدین
گؤز گؤزو گؤرموردو،
گؤیه باخسایدین
اولدوزلار ارییب تؤکولوردو.
قارا چوخا گلیب چیخمادی…،
چیخسایدی
ایشیق ساچلارینی یئره سره‌جکدی
ترلان اوخویاجاقدی
بنؤشه گوله‌جکدی.
چیخمادی
دئدیلر: «ظلماتدا بیر داش وار گؤتورن ده پئشماندی قویان دا»
ظلماتدا داش واردی…

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ظلماتدا داش واردی… / رضا سلطانوند

رضا سلطانوند
www.ishiq.net

آذربایجان ادبیات و اینجه‌صنعت سایتی

ظلماتدا داش واردی… / رضا سلطانوند

رضا سلطانوند
www.ishiq.net

آذربایجان ادبیات و اینجه‌صنعت سایتی

ظلماتدا داش واردی… / رضا سلطانوند

رضا سلطانوند
www.ishiq.net

آذربایجان ادبیات و اینجه‌صنعت سایتی