چئویرن: ایشیق
ترجمه: ایشیق
ایشیق

کیم نه بیلیر؟
ائلتاش صالحی

آچیرام قوللاریمی
آغ گؤیرچین‌لر اوچور سینه‌مدن،
یارالی بیر سئرچه‌نین حوزونو
گلیب اوتورور یئرینه
یارالی بیر سئرچه‌نین حوزونون کیم آنلایا بیلیر کی؟؟
کیم نه بیلیر
یالنیز بیر گؤیرچینین داریخماسینی غریب بیر آخشامدا؟

آچیرام قوللاریمی
اورگیمین گیزلی یئرینده
بیر اوشاق اوچان گؤیرچین‌لرین لَلَک‌لرین ییغیب
شعر کیتابینین آراسیندا ساخلار؛
گئجه‌نی بیر دوشونون جانیم
گئجه اولونجا
آغ گؤیرچین‌لر یولوندان آزیرمیش،
آزغین گؤیرچین‌لرین قورخوسونو کیم نه بیلیر؟
کیم یاتاقداکی آزغین قوخولاردان یالنیز اینسانلار قدر آنلار؟
قوللاریمی آچدیغیمدا
ایچیمده کی بوتون اؤکسوز اوشاقلار سنین آدینی چیغیریر
آدین گئجه‌دن قالان دوشمز بیر قالا؛
سویوق بیر گئجه‌ده
بوراخیلمیش بیر کندین یولوندا تک بیر آغاجی دوشون
باهار گلدیگینده بزنه‌جک کیمسه‌سی اولمایان بیر آغاج
بوتون جیسارتینی توپلاییب دؤن دئسه
دؤن سؤزجوگونه سیغینارمی اینسانلار؟؟
بوراخیلمیش بیر کندین یولوندا تک بیر آغاجی دوشون
من
او آغاجین داریخماسیندایام.
آغاجلارین اورگی کؤتوک‌لرینده‌ایمیش
باخ اورک‌لرینی توپراغا گؤمموش‌لر
دوغوش موسومونو ان یاخجی بیلن
بیر آغاجدیر شاعیر
بلکی ده
بوداغیندان کؤچن قوشلارین قاییتماسینا
چیچکله‌نن بیر آغاجدیر شاعیر
آچیرام قوللاریمی
یارالی بیر سئرچه‌نین حوزونو گلیب اوتورور سینه‌مه.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

کیم نه بیلیر؟ / ائلتاش صالحی

ایشیق
www.ishiq.net

آذربایجان ادبیات و اینجه‌صنعت سایتی

کیم نه بیلیر؟ / ائلتاش صالحی

ایشیق
www.ishiq.net

آذربایجان ادبیات و اینجه‌صنعت سایتی

کیم نه بیلیر؟ / ائلتاش صالحی

ایشیق
www.ishiq.net

آذربایجان ادبیات و اینجه‌صنعت سایتی