چئویرن: ایشیق
ترجمه: ایشیق
ایشیق

داریخدیم بو گون
حسین امکانی

داریخدیم بوگون آی قیز!
داریخدیم او گونلریمه
ال‌لریم زیتون قوخویوردو
ساچلاریم تئل-تئل.
داریخدیم بابامین یاتدیغی توپراقلارا
یوخودا منه وئردیگی سیغارایا
کؤینگی‌نین تر قوخوسونا داریخدیم.
داریخدیم گؤزلرینی یوموب گولومسه‌مه‌سینه
یئریمه‌سینه، آیاقلارینا داریخدیم
نفسینه، سسینه داریخدیم،
یاتدیغی توپراقلاردا بیتن بوبنه‌لری قوخولادیم
داملاردا چیخان شووه‌رن‌لره گولومسه‌دیم
توپراغا توخوندوم
گونشده ویزیلدایان آری‌نی دینله‌دیم
قالخیب بو یئرلره گلدیم آی قیز، شهره گیردیم
باشی لؤلو‌ نم-نه‌لر، نم-نیه، نم-هاردا دولانیرام
سونو گلمز یوخودا بورالاردان قاچدیقجا یوخونلاشیرام بورایا
بیر نفسیمی درمه‌دیم
آغزیمی آچیب دانیشمادیم
بابام‌دان سیغارایی آلیب ایچمه‌یه ده اوتاندیم
باخدیم بو نیسگیله، باخا-باخا لذّته دولدوم.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

داریخدیم بو گون / حسین امکانی

ایشیق
www.ishiq.net

آذربایجان ادبیات و اینجه‌صنعت سایتی

داریخدیم بو گون / حسین امکانی

ایشیق
www.ishiq.net

آذربایجان ادبیات و اینجه‌صنعت سایتی

داریخدیم بو گون / حسین امکانی

ایشیق
www.ishiq.net

آذربایجان ادبیات و اینجه‌صنعت سایتی