چئویرن: ایشیق
ترجمه: ایشیق
ایشیق

یوخا اوره‌ییم!
احمد درگاهی

ائله تیر-تیر اسیر روزگارا قارشی
سئوگی بایراغی‌دیر یوخا اوره‌ییم!
ارکؤیون یاشادی ساده‌لیگیندن
اومودو باغلادی چوخا اوره‌ییم!

توتوب بال بلله‌سی اومدوغو یئردن،
یالواریر، یاخاریر گؤروشه هردن؛
تَپ چئویر ائیله‌ییر کؤکسومو بیردن
آز قالیر یئریندن چیخا اوره‌ییم!

طیفیل‌کن سئیر ائدیب داغدا دومانی،
فیشقایا بنزَتدی آهی، آمانی،
اویونجاق ظن ائتدی یایی، کامانی
ازلدن توش گلدی اوخا اوره‌ییم!

پوشگوموزه چیخان بو نه قورقودور؟!
اوخویان دا اودور، یازان دا اودور،
بلکه ده طالعین ایسته‌یی بودور
اریییب گؤزومدن آخا اوره‌ییم!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

یوخا اوره‌ییم! / احمد درگاهی

ایشیق
www.ishiq.net

آذربایجان ادبیات و اینجه‌صنعت سایتی

یوخا اوره‌ییم! / احمد درگاهی

ایشیق
www.ishiq.net

آذربایجان ادبیات و اینجه‌صنعت سایتی

یوخا اوره‌ییم! / احمد درگاهی

ایشیق
www.ishiq.net

آذربایجان ادبیات و اینجه‌صنعت سایتی