Home / شعر / سحر اوزاقدا دئییل! / سحر خیاوی

سحر اوزاقدا دئییل! / سحر خیاوی

سحر اوزاقدا دئییل!
سحر خیاوی

«دانیشدیغینی توپور!»-دئدیلر،
توپورمه‌دیم؛
ایچیمده بیر محبس یاراتدیم
دریندن درین،
بئش آیاقلی چایان* اولدو ساغ الیم؛
نیفرت زَهَری یاغدیریر ایچیمه گئجه گوندوز یارالی بارماقلاریم.
گؤرسه‌یدینیز نئجه دوستاقیمین دووارینا
گونَش ناخیشلاییر دیرناقلاریم؟!
بیر دئشیک ده آچمیشام هله،
گئنیش گؤی چؤکور اوردان گؤزلریمه؛
اولدوزلارلا آی قوناق گلیر
نَملی دوستاقیما گیزلیجه.
بیر قوش موتلو اوخویور یاخینلاردا قاناد چالا-چالا:
– «سحر» اوزاقدا دئییل!!
– «سحر» اوزاقدا دئییل!!

*چایان:عقرب

About ایشیق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *