سؤزلر
احمددرگاهی

کدر لایلاسینی چالدی،
گؤزلریم یوخویا قالدی،
دیلیمین اووسارین آلدی
دوداغیمدان قاچان سؤزلر.

دوروب قینادیم دیلیمی،
اوتاندیم گؤرجک ائلیمی،
ایندی اولوب ائل بیلیمی
سیرر قاپیسین آچان سؤزلر.

گزدی آغیزدان آغیزا،
قلم اولدو آغ کاغیذا،
اوره‌ک وئردی تئللی سازا،
هاوالاندی اوچان سؤزلر.

کیمسه اونو حاخلامادی،
گئتدی، بیرده یوخلامادی،
ایسگندرلر ساخلامادی
دوستاق اولوب‌هاچان سؤزلر؟