چئویرن: ایشیق
ترجمه: ایشیق
ایشیق

-دینمه! دئدیلر
دادمان فروزنده(دوشگون قوجا بئیلی)

اوره‌گیمد‌ن دئدیم، دیلیمدن دئدیم
وطنیمد‌ن دئدیم، ائلیمد‌ن دئدیم
گؤزومده داشلانان سئلیمدن دئدیم
-دانیشما! دئدیلر، -دینمه! دئدیلر.

ال آتدیم زیروه‌یه، ال آتدیم داغا
دوشدوم دره‌لره داش یاغا- یاغا
قاریشدیم بورانا، باتدیم چوغانا
-دانیشما! دئدیلر، -دینمه! دئدیلر.

گول اکدیم شبنم‌سیز تالاندی نرگیز
کسدیلر یولومو سسیز- سمیرسیز
آسدیلار ساچیمدان سویدولار گوندوز
-دانیشما! دئدیلر، -دینمه! دئدیلر.

دئدیم داریخیرام؛ داردیر قفسیم
اوزدولر دیلیمی، دوندو نفسیم
دئدیم من اینسانام؛ اوجالار سسیم
-دانیشما! دئدیلر، -دینمه! دئدیلر.

تاپدادی کؤکسومو اوره‌ک چاغیریشی
دئدیم یاز ایستیرم، نئیلیرم قیشی
تؤکدولر اوستومه بویات قارغیشی
-دانیشما! دئدیلر، -دینمه! دئدیلر.

بیر عصریدن آرتیق بو آغری ندی
یالادیم قانیمی یارام گؤینه‌دی
غئیرتیم ایچیمی دارتدی، چینه‌دی
-دانیشما! دئدیلر، -دینمه! دئدیلر.

بیر گؤزوم آرازدا، بیر گؤزوم کورده
آهیم توستولندی آلوو گؤیرده
گؤزوم گؤره- گؤره سالدیلار درده
-دانیشما! دئدیلر، -دینمه! دئدیلر.

حیاتین گؤزونده آلیشدیم چاغدیم
آتیلان داشلارین سئلینده آخدیم
باش اوستده یئریدیم، ایاق اوست باخدیم
-دانیشما! دئدیلر، -دینمه! دئدیلر.

چاپ

3 پاسخ

  1. دادمان فروزنده موغان یوردونون ان گوجلو شاعیریدی. منجه بو بؤیوک شاعیری آذربایجان خالقینا آرتیق تانیش ائتمک لازیمدی و خالقیمیز بو بؤیوک شاعیرین گوزل اشعارلاریننان ده یرینجه فایدالانمالیدیلار

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

-دینمه! دئدیلر / دادمان فروزنده(دوشگون قوجا بئیلی)

ایشیق
www.ishiq.net

آذربایجان ادبیات و اینجه‌صنعت سایتی

-دینمه! دئدیلر / دادمان فروزنده(دوشگون قوجا بئیلی)

ایشیق
www.ishiq.net

آذربایجان ادبیات و اینجه‌صنعت سایتی

-دینمه! دئدیلر / دادمان فروزنده(دوشگون قوجا بئیلی)

ایشیق
www.ishiq.net

آذربایجان ادبیات و اینجه‌صنعت سایتی