Home / شعر / سون باهار / ائلیار پولاد

سون باهار / ائلیار پولاد

سون باهار
ائلیار پولاد

سون باهاردیر!
مین بیر رنگه چالان یارپاق
قالدیریمدا
خیشین-خیشین خیشلداییر.
حزین خزان اوره‌ییمه اسیرسه ده
سرینلتمیر قیزدیرمامی.
هاوالی‌یام
بو کوچه‌دن اؤتن‌لر ده پوزا بیلمیر ایزلرینی.
سون باهاردیر!
اوزون کوچه، اوزون گئجه
هارا گئدیم، آخ بو گئجه؟
داریخیرام
قیزدیرمام دا درینلشیر
خیشین – خیشین خیشیلدایان
یارپاق دئییل،
خاطیرم‌دیر ایلک باهاردان
گؤزوم دولور
اوره‌ک سوسور
خیال اوچور…

شن باهاردیر
سالخیم سؤیود کؤلگه‌سینده
سنسن و من….

About ایشیق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *