Home / شعر / آنا / ناصر شهبازی (عاشیق اوغلو)

آنا / ناصر شهبازی (عاشیق اوغلو)

آنا
ناصر شهبازی (عاشیق اوغلو)

اوره‌ییم تیتره‌ییر، اَللریم اَسیر
گوجو یوخ اَلیمین قلم دایانا.
بارماق اویناقلاییر، کاغاذ چیرپینیر
شعریمین آدینی یازاندا آنا!

آنانین عشقیندن تیتره‌ییر داغلار
داشلی اوره‌کلری سیندیرار، آغلار
بو عشقین سیررینده پونهاندی حاقلار
گرکدی بو حاققا دونیالار یانا.

نئجه کی هچ آنا ائولادین آتماز
بالانین عشقینی دونیایا ساتماز
اوشاغا تب گلسه گئجه‌نی یاتماز
لای لایی دیلینده سؤیله‌یر جانا.

آنانین وارلیغی باهاردی، یازدی
لاپ ظولمت گئجه‌لر اوندان آیازدی
قیچینین آلتیندا جنتده آزدی
آناسیز بهشت ده اولار وئرانا.

آنادیر اوشاغی یئتیرر بویا
آنانین عشقیندن کیم اولار دویا
آنادیر ایصالت «عاشیق اوغلو»یا
آنا دیل، آنا یورد آنادیر آنا.

About ایشیق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *