قادین‌لار
ع. یالچین

دادی دوزو قاچیلار
ائوده قادین اولماسا.
ائوین تاغی اوچولار
ائوده قادین اولماسا.

بوگون دو گله‌جک‌دیر،
حیاتین صاباحی‌دیر.
اوددو، سودو،‌هاوادی
یئر گویون الاهی‌دیر.

یوخوش‌دا یول یولداشی،
دوزده ظریف اولورلار.
سؤزده اوچان کپنک
دوزده غریب اولورلار.

ساکیت اویویان دنیز،
کوکره‌ین فیرتینادیر.
گاه اینله‌ین درد اولور،
گاه مهربان آنادیر.

جنت ایاغی آلتدا،
سو وئریر آنجاق دامی.
گؤیلرین ملک‌لری،
یئرین یاری آدامی…!

۱۸/۱۲/۹۶