چئویرن: ایشیق
ترجمه: ایشیق
ایشیق

سسلن!
میرجمال حسینی(اینجیک)

ظولمو داها ایت ده قان‌دی سسلن!
سسلن! سسیمیزده قان‌دی، سسلن!

چکمیر اوره‌ییم بو غم قاطارین،
دوندوم قوجاغیندا شن باهارین،
داردان نه دی فرقی اینتحارین؟
حاققین گؤز اؤنونده یاندی سسلن!
سسلن! سسیمزده قان‌دی سسلن!

سوسما! ایلیشیبدی داردا وارلیق،
آرتیق دب اولوبدو فیتنه‌کارلیق،
شیطان بیزه بسدی ائتدی تاری‌لیق،
قورخو کیشیلیکده مان‌دی، سسلن!
سسلن! سسیمیزده قان‌دی سسلن!

قئیرت آزالیبدی، آردی قارداش!
دونیا داها مرده داردی قارداش!
میللتده دؤزوم قوتاردی قارداش!
صوبح آچدی سحردی، بان‌دی سسلن!
سسلن! سسیمیزده قان‌دی سسلن!

یاتما! سو اؤتوب ائلین باشیندان،
شیطان اوتانارمی گؤز یاشیندان؟
ویران اولاجاق سنین داشیندان –
ظولمون ائوی، یاخچی آن‌دی سسلن!
سسلن! سسیمیزده قان‌دی سسلن!

سوسدوقجا اؤلور شرف بشرده،
قورخاقلیق ائدیب بو خالقی برده،
ای مونیس اولان سکوتا درده
انسانلیغیمیز تالاندی سسلن!
سسلن! سسیمیزده قان‌دی سسلن!

«اینجیک»‌دی بوتون دویان اوره‌کلر،
آزادلیغی سسله‌ییر دیلک‌لر،
شیطاندی اینانما بو ملک‌لر،
افکاری بوتون یالاندی سسلن!
سسلن! سسیمیزده قان‌دی سسلن!

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

سسلن! / میرجمال حسینی(اینجیک)

ایشیق
www.ishiq.net

آذربایجان ادبیات و اینجه‌صنعت سایتی

سسلن! / میرجمال حسینی(اینجیک)

ایشیق
www.ishiq.net

آذربایجان ادبیات و اینجه‌صنعت سایتی

سسلن! / میرجمال حسینی(اینجیک)

ایشیق
www.ishiq.net

آذربایجان ادبیات و اینجه‌صنعت سایتی