Home / شعر / ایسته‌میرم/ ع.یالچین

ایسته‌میرم/ ع.یالچین

ایسته‌میرم
ع.یالچین

کؤنلوم توخ بو دونیادا
دور –اینجی ایسته‌میرم!
غملی بیر اوره‌ک وارسا
سئوینجی ایسته‌میرم!

گؤی اوجا، یئرسه درین
داشی دورداغی زرین
بیر قورتوم سئوگی وئرین
تاخت – تاجی ایسته‌میرم!

آیا تامارزی کؤنلوم
گونش سئوگیم، امه‌لیم
باخیشیندان تام دیلیم
قیقاجی ایسته‌میرم!

اوره‌ک دایانیب غمه
ال آچماز چوخا –کمه
آزادلیغی هئچ کیمه
ال بورجی ایسته‌میرم!

About ایشیق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *